每年4月22日都是「世界 地球 日」，目的是宣傳同呼籲環境保護的概念，今年NASA為了響應「世界 地球 日」，竟然舉辦「NASA’s #GlobalSelfie」活動，向全球網友徵集拎住「Hi！NASA,I’m on Earth Right Now@＿＿」標語的戶外相，當時大受關注，最後仲收到全世界113個國家或地區一共50000張相，當中包括南極、葉門、秘魯等。
當時大家只係為咗響應「世界 地球 日」，點知經過一個月時間製作，NASA竟然從50000張相中，搵咗其中的30000幾張砌成兩個「 地球 馬賽克」！呢個「 地球 馬賽克」相當精緻，當中包括的陸地、大海，甚至雲層，都是由世界各地網民的自拍組成，別具意義。
如果大家想睇番呢個「 地球 馬賽克」，可以上去gigapan搵「NASA’s Earth Day Global Selfie 2014」就可以搵到gigapan版本的「 地球 馬賽克啦！呢個版本仲可以zoom近去睇下每一張相，隨時會搵到意想唔到的影相地點！
