聖誕節就快到，忙住準備禮物外，千祈唔好忘記為自己悉心扮靚一下，化番個派對潮妝一定唔少得。點先至係至潮靚妝？3D小顏妝先至係王道！KATE推出咗一系列hit爆美妝產品，令輪廓更立體分明，打造小顏妝毫無難度。

（Presented by KATE Tokyo）

打造完美底妝

化派對潮妝第一步先要為肌膚打好底妝，一支好嘅粉底係關鍵。選擇好嘅粉底要注意能否造出貼薄且完美遮蓋面上瑕疵。KATE嘅零瑕肌密粉底液能帶出絲毫不感到厚重嘅「ZERO零瑕肌」，以輕盈零厚重質地粉底修飾及撫平面上毛孔凹凸同泛紅瑕疵，滿足女性高遮瑕需求。仲加入保濕成分，令底妝更貼服持久。

打造深邃立體大眼

營造分明眼部輪廓，係派對潮妝嘅靈魂所在。KATE嘅3D棕影立體眼影盒N以棕色系漸層三色眼影化出亮麗眼妝。用法簡單，先沿著眼骨形狀，掃上視覺立影粉，再於眼窩位輕掃一層新添加嘅古銅粉， 加添珠光質感亮色。最後畫上今季流行嘅無眼線感眼妝，運用密影氣墊眼線筆填補睫毛間隙，點出無縫感眼線，更可提高睫毛間隙間的陰影密度，創造深邃大眼輪廓印象。

打造立體面形

識得善用胭脂嘅話，不但可修飾面形，仲可令整體妝感增添明亮而立體的效果。呢款3D明暗雙色腮紅就可以造到highlight同潤澤面色效果，最特別係呢支新設計嘅雙用腮紅刷，打開作打亮腮部位置，合上刷掃掃上光采色喺腮部中央，賦予雙頰自然紅潤感，小顏派對潮妝即成。

打造豐潤櫻唇

一支好用顯色嘅唇膏絕對為派對潮妝錦上添花。呢支高顯色映像唇膏內含甜杏仁油、荷荷巴油同橄欖油，輕輕一塗，顯色貼服而帶低調光澤感。