港男開冷氣24度被家人趕出門口 痛斥：「生咗你真係家門不幸」
全球酷熱天氣持續了一段時間，雖然近日開始會有驟雨出現，但氣溫仍然徘徊30度附近，未見涼快。近日有港男在網上討論區發文，指自己因為天氣「太難頂」忍不住要開冷氣才可入睡，於是晚上睡前開冷氣並把溫度調至24度，豈料翌日起床時被家人狠狠教訓了一頓，指「佢哋瘋狂鬧我，話地球玩完都係因為我，然後話生咗我係家門不幸，將我啲嘢扔晒出門口叫我以後唔好翻去。」他續指，家人一向都是環保主義者，若要開冷氣也必要調較至27度，「唔講我以為林超英係我老竇，我真熱得太辛苦先開。」
網民：「香港好多家庭都係咁，唔係淨係得你咁慘」
港男慘痛經歷一出，竟引來大批「同路人」，有網民指「我都試過中學嗰陣畀屋企人話賺唔到錢憑咩用冷氣，但明明我係有需要開而且開得勁少」、「我同阿哥一間房，佢都係好講環保嗰啲人，佢自己一醒就會即刻閂咗部冷氣機， 佢話佢唔熱唔需要長開，有一次仲畀佢嘈到揾警察上門」、「我呀爸見到一部冷氣機開咗就會熄一部冷氣機」、「佢哋開冷氣要計時，開夠3個鐘就熄然後開風扇」、「話要環保嘅家人個個都好似做晒林超英信徒咁，佢講乜都照做」。
亦有網民指開冷氣調至27度「不如唔好開」，指「以前啲宣傳片最多係叫人調到25度」、「其實冷氣機溫度同室溫調較得相近，冷氣壓縮機唔會製冷，反而好似開風扇咁送風，佢哋仲嘥電費。」
林超英教如何製造氣流 USB風扇非常重要
而前天文台台長林超英亦鍥而不捨地在網上推廣無冷氣生活，指家中製造氣流不無可能，劏房也可做到，當中最主要分為三個部份：「抽風入屋、引氣流深入屋內、抽風出外」。他指，「抽風可以用低耗電量的USB風扇或抽風扇，鴨寮街有售，數十元有交易，圖中的『循環扇』有平有貴，其實用風扇也可以，關鍵是放在入風口不遠處，方便把外來空氣帶入屋內，沒有它的話，入氣口的空氣可能被出氣口的抽風機直接吹出去，屋的內部就接收不到新鮮空氣了。」
