不忿樓上裝修日夜唱歌報復 突收對方果籃：以為係修補關係
裝修為鄰里帶來的噪音確實難以避免，因而每棟大廈都有指定的時間進行工程，而最近有網民因難以忍受樓上住戶裝修的嘈吵聲而選擇「以牙還牙」的方法，用歌聲掩蓋鑽牆聲。事源事主樓上單位進行大裝修，指「樓上日日鑽嚟鑽去嘈咗我好耐，已經係新樓究竟有咩好裝修，不過呢個係佢嘅權利，而我都選擇同我嘅權利去尊重佢」。及後事主表示自己一向有練習唱歌，每天都開著家中一套價值幾萬元的「靚音響」唱歌，配以唱K神器練習音準，且「唱嚟唱去都嗰幾句」。
過了幾星期，事主突收到管理處投訴，但由於該時段並無聲浪管制，事主一於無理繼續練歌。誰知，事情的驚喜要來了，事主突然收到樓上住戶送來的果籃，正當以為是想打好關係之際，誰知果籃夾上的一張心意卡，即令事主滿心懷疑，內容大概是指事主的音樂和唱歌聲音太大，令女兒晚上不能集中溫習，影響成績。不過由於事主認為自己被裝修聲影響時也沒投訴，對方憑甚麼要他「收聲」，但同時又擔心果籃被加料而不敢食用，如扔掉又太浪費，不知如何是好。
網民得悉事件後，有網民支持事主，指「計日數囉，佢裝修幾多日你就唱足幾多日，寫張卡覆佢話仲有幾多日唱完，請女兒耐心等候」、「多謝佢嘅心意，唱歌表達謝意」、「送返罐餅畀佢囉，禮尚往來，睇佢食唔食」。
事主圍爐不果 反被網民炮轟：做人咁小家仲好意思講
不過有更多人反指事主不是「大家作為鄰里，你好我好，互相有敵意都唔係好事，讓一步囉」、「佢無面對面鬧你就退一步啦，一係整隔音」、「住你隔離真係慘，咁小事都搞人」、「你製造聲浪以為自己啱晒？裝修係咁㗎啦，咁小家」、「開始裝修之前樓下咪貼咗告示，使唔使稟埋神請走埋你屋企啲地主先夠？」、「唱歌仲衰過裝修，替你樓上樓下感到可憐」、「你呢啲人咪無公德心」。
雖然事主最後堅持自己沒有錯，指「裝修嘈過打仗就合法，我喺自己屋企做鍾意嘅嘢又要驚嘈住人啊」，並指自己一個杯葛全部意見不合的人，可惜網民仍是「圍插」事主不是，未能公審成功。
