港女搭的士被要求收$6行李費 一問題辣㷫司機：你同我落車
YouTube Channel《香港新聞突發時事合集》於12月17日上載一條約4分鐘的影片，以「女乘客因行李被無理收費，與司機互相指罵和報警」為題，引述港女於上周五在屯門華都商場對出的士站上車，手拿着一個「不超過140厘米」的電子湯煲，司機見狀即指：「件嘢咁大嚿，要收行李費喎」，女乘客好奇下問司機：「呢個手拎嘅點解都要另收附加費？」。誰知司機此時即變臉指不願付費便立即落車。而火藥味更越演越濃，女乘客即時反擊：「我幾時有話過唔畀，我淨係問你點解要收費咋喎」，而司機卻只是不斷叫她落車，女乘客最後以「你而家即係拒載」為反駁並報警處理。
司機粗口連珠炮發反擊：你坐喺我部車做咩？
從影片可見到，女乘客以司機「拒載」為由報警後，司機亦「以其人之道」作反擊，都不甘示弱去報警，稱：「呢個乘客攞咗件行李，我話要收（行李費），佢話無理由收費㗎按照運輸署。佢報警話我拒載，我無拒載，呢啲片面之詞嘛」。司機報警後再向女乘客說：「大家齊齊報！的士司機咁X好玩，咁X好蝦喇，郁下又報警，郁下又報警，唔好X開啊！」。其後更發難叫女乘客下車：「你落唔落車先！攞呢啲嘢落車先，你唔好落雨坐喺呢部車，妳無畀錢㗎，妳攞呢啲嘢落車先，呢部車唔係咁樣服務㗎，畀妳坐㗎？」。而女乘客則回應：「你話叫我報警嘅，等警察嚟到先講囉」，司機繼續以粗口回應：「妳坐喺我呢部車托X啊？」。
港女：點解我唔可以坐喺車？
港女對於粗口亦沒有任何畏懼，繼續回擊：「點解唔可以坐啊？你唔好掂我添啊，我話畀你聽啊，如果唔係我話畀警察聽㗎」，司機只用粗口重複：「你落去，你落去！等差人嚟你坐喺我部車托X啊？我X妳老X啊！你坐喺我部車做乜X嘢，呢部車我㗎！咁X無賴！」。雙方再就的士收費的問題爭論，而其中司機強調有向女乘客說要收附加行李費$6，而女乘客不願意支付，但女乘客卻堅稱自己從未講過不願付款，只是好奇為何要變費，雙方不停的就此問題而僵持。
網民：幾蚊行李費見盡港女格
影片一出就引來網民熱烈討論，有網民認為的士司機態度差，用粗口去對待乘客十分無禮貌，「理個女人係咪唔俾錢，但個司機爆晒粗，非常明顯係無禮貌對待乘客，個司機一把年齡係耳仔有問題聽錯乘客意思」、「個的士佬都好X串」，亦有網民支持司機收取行李費是合理，「件行李都幾大件, 收6蚊都好合理」、「收錢好正常，外國搬行李都要畀tips」、「幾蚊行李費見盡港女格」、「咁大箱嘢的確係要俾錢，唔好以為唔放尾箱就唔駛」。但亦有網民指出旁觀者不要過份投入事件中，「不在場，不知頭不知路，都係少啲出聲」，建議「有貨不論大小必CALL貨VAN」。
