荃灣街坊買荔枝要求「走枝走葉」被拒 懷疑檔口呃秤
不少人寧願到超級市場買餸和生果也不到街市，因相對明碼實價的超級市場，街市常被指「海鮮價」出現。最近有港男到街市買荔枝回家後，指「$47得57粒荔枝，到底我係買樹枝定係買荔枝？」。他續指自己買荔枝時要求「走枝走葉」時被老闆拒絕，後來他看到有一盤荔枝是剛從枝葉上摘下，因而要求買該盤荔枝，惟老闆依然「死都唔肯賣畀我」，最後勉強買下連枝的荔枝並網上呻不滿。
不過港男的意願未能順利達到，反而被網民「教精」。網民得悉港男的行為後表示「下次買香蕉麻煩走蕉皮」、「我買榴槤啊，唔係買殼啊」、「真係無謂，呢位人兄第二度嚟㗎，香港幾廿年買龍眼、荔枝、黃皮全部都係連枝買嘅」、「 荔枝有唔連枝賣，就係啲蘿底甩出來嗰啲荔枝囉」、「買魚都包內臟啦」、「以為人哋呃你秤咩，價錢一樣㗎咋」。
網民：買荔枝不要枝葉是愚蠢行為
亦有網民指「阿媽教落荔枝無枝唔好買，通常都係壞」、「有枝代表新鮮啲，可以放耐啲」、「其實唔係拆落去，係已經甩咗岀嚟。甩有好多原因，好大機會係已經受損入菌而爛咗。特別落雨天一定唔會買，見個殼一撻撻啡色就係濕過水吽過」、「真係愚蠢問題！為何買荔枝一定要有枝有葉？係因為你可以從這些枝葉裡看到這些荔枝是否新鮮，蠢人是會選擇一些沒有枝葉的荔枝，以為自己著數了其實是蠢到無人有」。
食安中心提醒切勿食用過多份量 後果嚴重
荔枝雖然味道香甜多汁，但切記不要一次過吃太多的數量，食安中心曾指出荔枝含兩種天然化學物質，分別是hypoglycin A 和MCPG，這些物質會抑制人體產生葡萄糖，使人容易出現昏迷、抽蓄等情況，最嚴重甚至死亡。而幼童更是高危一族，因孩童體重較輕，肝腎解毒系統不及成年人，中毒風險相對較高，正如廣州曾有一名7歲兒童因空肚吃了10粒荔枝後昏迷，送院被診斷為「荔枝病」，大家適量食用就可。