七、八 月熱辣辣，又到船P、去海灘玩的好季節，在香港買不到平價泳衣？美國時裝網站ZAFUL有多達3,000套泳衣任君選擇，HK$150內就買到一套bikini，同埋一眾好姊妹揀泳衣夾運費，即睇編輯部 泳衣網購 攻略以及 model 實着心得！

文：Kassidy｜圖：Scott、Tony、ZAFUL（原文刊於《新假期周刊》933期）

來自美國　3,000套泳衣任你揀

ZAFUL的泳衣選擇超過三千多套，單是bikini已經有二千多款，不想太暴露、只着one-piece也有接近五百款，網站經常做折扣，最平見過US$3.99/HK$31.2一套比堅尼，特快運送最平US$4.99/HK$39（不限重量），大概8-15個工作天到港。

最平$33有交易　編輯部心水推介

香港買件泳衣基本HK$400起跳，款式有時更會不堪入目。ZAFUL網站特價時最平US$3.99有套泳衣，手快有手慢冇；八成泳衣售價低於HK$150，款式多之餘又抵買，即睇編輯部精選6件HK$100~泳衣！

 

 

already in that summer mood 【?@gabrielleyarabinee】 ——— Use Code “ZAFUL59” to get $5 OFF ———- Tap the link in our profile to shop this look. #zaful #zafulgirl #bikini Weekly Newsletter Feed: https://goo.gl/5sa2dJ
ZAFUL Official IG Page（@zaful）分享的貼文 於 2017 年 5月 月 4 5:00下午 PDT 張貼

跟着訂購教學　一個星期即到港

ZAFUL網站提供一共6種語言，香港人熟悉的定必是英文版！編輯部親身訂購3套泳衣兼送到香港，之後整合詳盡訂購攻略，有意選購者可跟着教學訂泳衣。

01｜揀選心水泳衣　放入購物車

02｜購物車結帳，填妥運送地址

03｜揀選合適運送方法，信用卡付款

04｜於 My Orders 內查看訂購詳情及運送情況

實測3套泳衣︰質地厚實 尺碼有偏差

編輯部網購了2套比堅尼及1套今年大熱一字膊泳衣；3套泳衣的顏色與網站圖片冇分別，但比堅尼實際size比網站的尺寸表細；一字膊那套的泳褲反而偏大，購買時要注意，最好先詢問客服人員！購買後一周即到港，冇貨的話ZAFUL也會以電郵通知。

Model 着後感：褲仔略嫌太細

Model Ronnie 試穿其中2套泳衣，比堅尼那套的褲仔略嫌太細，需要處處遮擋，小心翼翼才可以避免走光；而一字膊泳衣則與平常一字膊衫相似，但由於膊頭位沒有橡筋箍緊，常會跌膊，所以走動時不能太大動作。

時常推出限時優惠：特價代碼 + 免運費！

ZAFUL網站經常推出不定時優惠，更常有折上折的特價代碼，但因為太抵買，所以靚款往往冇貨；也要留意網站免運費的優惠，又或者跟好姊妹一同購買，買滿 US$30/HK$234 即可以免運費，2-3件泳衣已經夠數！

ZAFUL
網址：www.zaful.com
網站語言：英文、法文、西班牙文、葡萄牙文、德文、阿拉伯文
付款方式：PayPal、信用卡
運送至香港時間：8-25個工作天不等

相關閱讀： 跟韓妹買水着 韓版 泳衣網購 教學｜ 韓版 VS 淘寶泳衣大戰