【編髮教學】唔知大家有冇睇過《人100％靠外表》呢套日劇呢？劇中講過，要紮到個頭靚一靚，靠嘅都係毅力！但平日趕住返工返學，邊有時間研究個頭要點紮吖！咁就要睇睇日本髮型師教路，4款望落好複雜，但其實簡單6個步驟就紮得到嘅靚靚編髮！
撰文：Carmen｜圖片來源：Instagram
1｜蓬鬆丸子頭
蓬鬆嘅丸子頭畀人一種有精神嘅感覺，想編一個特別髮型時，丸子頭係個非常唔錯嘅選擇！將後頸位置嘅髮線抽出，營造蓬鬆感係一大重點！另外，將丸子頭稍為拉鬆，就能夠增添休閒感。
編髮方法
- 保留左右兩側髮束，將其他頭髮綁成一條馬尾。
- 將(1)嘅馬尾分成2等分，再分別以編繩子(參考文末影片)嘅方法編成2條辮。
- 將2條繩子辮捲於髮根，綁成丸子頭。
- 將右側嘅髮束邊扭成條，邊捲到丸子上。
- 左側嘅髮束以同樣方法捲到丸子上。
- 將從後頸抽出嘅髮絲，用曲髮棒捲曲便完成！
2｜麻花辮
就咁單一條麻花辮冇咩特別？稍微加多2個步驟，就可以編成一條超華麗嘅麻花辮！襯one-piece簡直一流！
編髮方法
- 於近頭頂位置稍稍編成麻花辮。
- 將左右兩側嘅頭髮拉到後腦並束成一條辮。
- 將(2)向內翻捲。
- 將(1)同(2)嘅髮束結合，並編成麻花辮。
- 將其餘嘅頭髮分成2等分，編成2條麻花辮。
- 將3條麻花辮編成一條麻花辮便完成。
3｜Down Style
然後係推薦畀長頭髮嘅人嘅Down Style髮型。望落好似好難、好複雜咁，但其實只需簡單方法同少少心思就紮到！Down Style嘅髮型更是適合經常戴帽嘅人，長頭髮嘅你要學定喇！
編髮方法
- 將頭頂頭髮束成一條馬尾。
- 將右側嘅頭髮邊扭成條，邊捲到(1)嘅髮圈位置，然後用髮夾固定。
- 左側頭髮同樣捲好後，用髮夾固定。
- 剩餘嘅頭髮都同樣地邊扭起邊綁到髮束上。
- 將放落嚟嘅頭髮以編繩子(參考文末影片)嘅方法紮起。
- 將頭髮拉鬆，再用曲髮棒將髮尾同鬆落嚟嘅碎髮捲起便完成。
4｜Bob Half-up
即使係短頭髮，花點心思都能夠編出各種可愛髮型㗎！喺女子會、約會等想增強女性魅力嘅場合下，非常推薦呢種Bob Half-up編髮！
編髮方法
- 喺頭頂束一條馬尾。
- 喺馬尾稍下嘅位置，攞少少頭髮出嚟，再束成一條馬尾。
- 將(2)向內翻捲。
- 將兩側嘅頭髮拉到後腦，再綁成一條辮。
- 將(4)都向內翻捲。
- 攞少少髮束出嚟，將髮圈捲住，然後用髮夾固定，最後用捲髮棒將散落嚟嘅頭髮同髮尾捲起便完成！
「編繩子」（Lops Braid）方法
