香港女性晚婚的情況又有輕微上升的趨勢，2022年結婚的中位數年齡是30.4歲，到底是什麼原因導致到有以上的情況出現？有機構調查得出，原來有4成的香港男士認為「好老婆」必須要有兩個條件，亦有4成以上的女士期望婚戒有一卡以上。不過調查的女性就不太一致，反映兩者價值上有大不同。不少的網民看到後就指：「所以有五成離婚率」、「理想同現實喺兩回事」等。

結婚條件好老婆香港人結婚中位數30歲以上 — 香港人結婚中位數30歲以上（圖片來源：Unsplash@Álvaro CvG）

逾4成男士認為好老婆要靚女同好身材

香港機構婚資訊媒體生活易，就香港男女在選擇結婚對象的條件作出一項調查，有4成男性認為「好老婆」的條件是要「靚女」（46%）及「有身材」（44%）；同樣在外型上，女性就認為「靚仔」（17%）、「大隻」（12%），似乎男士比女士在選擇另一半上對外表更有要求。

促婚成因：要有樓？

不少人推測「有樓」是重要一環，而調查顯示首5位的促婚因素是「年屆適婚年齡」（72%）、「感情穩定」（61%）、「已有經濟基礎」（55%）、「想生育」（32%）及「另一半已有樓」（16%）。

結婚條件好老婆另一半已有樓成首5位的促婚因素 — 另一半已有樓成首5位的促婚因素（圖片來源：Unsplash@Samantha Gades）

4成以上的女士期望婚戒有一卡以上

調查又顯示有77%的女性希望有求婚戒指，有44%的女士期望求婚戒指「1至2卡的鑽石戒指」、「一卡以下的鑽石戒指」（25%）、「任何戒指都可以」（21%）。

結婚條件好老婆女士對求婚戒指的期望 — 女士對求婚戒指的期望（圖片來源：ESdlife）

網民：老婆性格最重要

網民看到調查結果回應指：「嗰4成男人有無睇過自己乜料」、「靚女有身材再加生仔湊仔包做家務要顧家溫柔唔煩叻聰明幽默唔失禮仲要自己養到自己唔好問老公攞錢」、「邊有咁多靚女呀，希望大家揾到賢妻良母型」、「所以咪好多男人覺得自己老婆唔夠好囉」、「男人有錢好容易揾到靚老婆、有身材（包括整容），但老婆性格好唔好，就要睇吓男人有無咁嘅褔囉」、「10成女士認為好老公必備條件係高大威猛有型靚仔，有錢兼且識做家務煮飯」、「能夠同你共富貴成街都係，能夠同你共患難就係好老婆」等。