女租客22年後一夜之間變業主 1舉動令擁有人無條件贈送
由小到大，長輩一直教導「唔好隨便收其他人免費嘅禮物」，但若然收的禮物是一所物業，你又有何看法？最近《每日郵報》一報導指，一名75歲的澳洲婆婆一夜之間從租客變成業主，做了24年租客的婆婆透露物業的擁有人原為千萬富翁藥劑師John，二人關係一直良好且大讚對方為好房東。婆婆時每逢屋內有需要維修的時候，John總會很快便派人來處理，且每個月都會親自上門收租，由於John一直都是單身，長期獨居，所以每次二人碰面時也會坐下聊天至少1小時當作解悶。
可惜後來John患上柏金遜症難以照顧自己，因而婆婆都會視他為朋友地相待，帶John一起買日用品；後來他入住療養院時，婆婆亦會每星期和他通電話至少一次，讓他解解悶。John一直都想以慈善途徑捐出自己的房產和家財，曾因成功進行腎藏移植手術而捐出遺產報答醫護人員，後來在John離世前6個月，婆婆突然收到他的電話，指「律師現時喺我身邊，你全名係咩？我想將你租住中嘅房子送畀你」。John的一言震驚婆婆，因從事蔬果批發25年的她，本來也打算一直工作到80多歲以應付租金，想不到因自己把John視為朋友便被贈送一所房子。對於他的大愛行為，婆婆亦表示「好開心以後唔使再凌晨3點起身返工，佢確實係一位好房東」。
及後發現，原來John的遺囑內同時也把另一物業送給一位長期租客，1名為他工作的雜工亦有獲分金錢。有網民看到報導後指「呢啲事真係可遇不可求」、「婆婆75歲先嚟上車，唔知佢又會轉贈畀邊個呢」、「好人好事例子，用心待人有回報」、「有錢人先可以咁做，我都想搵個好房東」。
