家中尋獲發黑「文物」被誤認舊報紙 網民一眼認清：係寶嚟！
近日有網民指在家中整理時發現兩塊不知明物體，指顏色相當奇怪，不知該如何處理，於是拍照發到網上求解答。有網民看到後指貌似「擺咗好耐發咗霉嘅百潔布」、「似發霉、變黃、摺皺咗嘅舊報紙，可惜啲字甩晒，如果唔係都有歷史價值」、「似係西裝膊頭墊，建議車返上西裝外套」。
外貌不討好卻價值非凡 網民：魚翅未起痧就係咁
對於這塊「發霉報紙」，有網民指事主「唔識貨」，其實它是一塊未經處理的金勾翅，因「未去皮未打痧」而保留原色，在南北行的不難見到，價錢由$ 3,000 – $ 4,000左右，事主櫃底或藏$6,000寶物險當垃圾。其後有曾在魚翅加工廠工作的網民教事主應如何處理，指「先浸凍水2天然後換水，然後煲一煲約80度的沸水將未刮痧嘅翅片浸入去，用蓋冚住它，攤凍咗就用刀刮痧然後洗乾淨。洗好之後用刀慢慢起咗2邊嘅翅骨出來，再煲一次80度熱沸水，將翅放入去焗吓，洗淨就可以用嚟煲湯」。
亦有網民指「發」魚翅皮會有一大股臭味傳出，與亞摩尼亞的味道相近，不是人人能接受，而其他網民則建議拿到海味店賣更方便。事主收集多方意見後最終亦作出決定，而他選擇的是放回原本的位置，當從來沒有見過，最主要的原因是他認為處理過程太複雜。網民得悉後表示「不如畀我算啦，幫你搞掂佢」、「講完咁多都嘥氣，最後原來係咁」。不過其實現時已越來越少人進食魚翅，除了因保育因素外，最重要的是很多食材可代替其作用，倒不如「食平啲，食得有意義啲」。
