灣仔$98任食兩餸飯3小時　被指似足內地飯堂?!

灣仔作為商業區，不少打工仔都會想「食平啲」，於是有兩餸飯餐廳推出的「$98任食兩餸飯3小時」，如果午飯時間不足以食3小時，更會提供一個外賣飯盒，可以將食物帶走，餐廳吸引到內地網紅「子威」，以及香港YouTuber「苗想天開」親身到場試食。

$98有餃子、燒味、即煮重慶小麵、飯後水果、任飲汽水

餸菜方面，$98的價錢可以品嘗到餃子、叉燒、燒肉、咖喱雞、生炒骨、水煮魚、酸菜魚等，另外又專設有粉麵檔專區，即叫即煮雲吞麵、重慶小麵、牛根牛腩麵等；甜品方面，有中式糖水、飯後水果；飲品方面，有汽水、國產啤酒任飲。

午飯時間都有打工仔幫襯，網民就話：「十足內地飯堂！」、「有內地的味道」等。

網民食評：無第二次

網民試食後有分享食評：「成間野基本無咩好食，選擇亦唔多，又整一大堆澱粉野務求塞到班客勁快飽，裝修又極重大陸味，又度縮，出於好奇心試咗一次，無下次」、「呢間好難食」等； 又有網民認為$98不划算：「唔抵食，無咩餸揀，焗住拎碗雲呑麵、牛腩麵，當你食完碗麵加幾樣餸，都差唔多到頂，盛惠$98」、「$98食個lunch我覺得都幾貴」等。