日前有名男網民於Facebook群組「香港街市魚類海鮮研究社」發文，同時上載一張有4條魚的相片，並表示他準備要煲魚湯，但因為這是他第一次煲魚湯， 經驗不足，逐向網民們發問請教：「第一次煲魚湯，係用海水煲定淡水煲湯，先可以煲到鮮味？」
網民：用海水煲記得加兩塊片糖
事主發文後，帖文隨即引起網民熱議。不少網民即時爆笑回應： 「如果可以嘅話用口水」、「煲湯前記得喺器官輪候冊登記換腎，仲要換埋個腦」、「有處理過嘅海水最好，例如屋企嘅鹹水缸」、「唔洗落魚，個海本身有魚已經吸晒啲鮮味，就咁搵海水滾返熱就得」、「用海水煲，記得加兩塊片糖」、「建議城門河旁即取即煲」、「不嬲都用恆河聖水㗎啦」。
亦有熱心網民以「認真mode」回覆事主：「海水唔得架」，「海水？好污染喎！食咗會肚痾！」、「記得兩面煎香再撞啲水落去煲」。亦有網民讚事主勇氣可嘉：「如果你真係唔識都敢煲魚湯，你屋企人都好幸福，真心羡慕你全心全意學煲湯畀佢飲嗰個人， 注意隔湯渣」。
那究竟海水可不可以飲用呢？首先海水內含有大量鹽份，飲用海水會令血液中的食鹽濃度提高，而身體會為了平衡血液鹽濃度，釋放更多水份子到血液當中，會造成脫水現象，嚴重更會有生命危險。另外，海洋污染導致海水含有有害物質，如果飲用海水有機會有生命危險！
