網民斥＄20燒味飯賣相差又難食：好快執笠
事主憶述，早前於筲箕灣一間外賣燒味店中，買了一盒20蚊沙薑雞燒肉雙併飯，但付款時發現店方多收＄5，事後發現原來燒味師傅自行為他升級至文昌雞，當時事主心有不甘，但決定多一事不如少一事。只不過回家後打開飯盒，眼見燒味只有4件且不是皮就是脂肪，而升級後的文昌雞只有3件「碎濕濕」的散件。事主表示望到飯盒「完全無胃口」，賣相差、味道差，只能勉強「扒咗兩啖飯」，更指這種質素「好快執笠」，加＄5實為不值。
網民賣相差到好似二手飯咁
有網民看到圖片後認為該飯盒的確賣相不佳，指： 「二手飯嚟？」 、「個飯盒好似廚餘咁」 、「騙人吧，得嗰幾舊」、 「5蚊都要呃，我就唔會幫襯了」、「連蔥油都無，完全唔俾機會你撈飯」 。不過又有網民認為20蚊一個飯盒不能太高要求，指：「便宜莫貪啦」、「老實講，廿蚊呢個價可想而之」、「＄20 ，冇要求啦！有雞有燒肉，不過係份量問題」、「廿幾蚊+$3有茶或汔水係咁嘅水準」。
連登仔：燒味飯係港式Omakase
而近日在連登討論區上有討論到燒味飯文化，有網民指燒味的質素大多取決於師傅當下的心情，得到大量網民同認同：「叫燒鴨有時會啖啖肉，有時會比到少少鴨髀，有時會得啲骨」、「靚女咪比好啲」、「燒味師傅執邊舊肉畀你又真係佢話事」、「燒味飯同抽盲盒一樣」。
網民燒味質素同價錢無關 貴嘢一樣差
有網民看到後都分享數個相同價位但有質素的燒味店。
- 鴨脷洲利東村街市燒味檔：網民指＄25已買到一盒燒肉飯，質素非常好，價錢合理。
鴨脷洲利東村街市燒味檔25蚊的質素（圖片來源：Facebook圖片） - 炮台山電氣道街市：網民指$20已經可以食到雙併燒味，啖啖肉。
炮台山電氣道街市雙併燒味都係20蚊 (圖片來源：Facebook圖片） - 西貢街市高記燒臘：網民指$25一盒燒味雙併飯，已經多到食唔哂，力推。
亦有網民認為價錢比較貴的燒味飯不代表物有所值，指：「荃灣燒臘舖食過一碟55蚊嘅雙拼飯啲燒肉係隔夜㗎」、「中環好出名嗰間，堂食又貴都係垃圾」、「55蚊啲料都係好肉酸」。
