港男魚檔買霉蟹出Post反諷
日前有網民於Facebook群組「香港街市魚類海鮮研究社」發文表示，他在荃灣楊屋道街市一間老牌魚檔，購買了長腳蟹回家烹調品嚐，並指長腳蟹「滿膏滿肉好鮮甜多汁」。但從事主所上載的相片可見，所謂「好鮮甜多汁」的蟹肉非常霉爛，完全無法看到正常一絲絲狀態的蟹肉，根本完全無法食用，原來他是以反諷形式大爆被該魚檔「搵笨」！
他嬲爆控訴魚販當時對他說該隻重3斤半的長腳蟹「啱啱死抵食」，因為活蟹價比死蟹價貴一倍，他就以$660的價格買下死蟹，豈料回家烹調後蟹肉全部腐爛：「六、七舊水買教訓，後生仔唔識揀千祈唔好買死蟹，隨時俾人搵笨血本無歸，分享經驗希望少啲人中伏。」
他的帖文引來大批愛食海鮮的網民嘩然，部分網民認為魚檔做法非常不可取：「本應係掉落垃圾桶嘅嘢攞嚟賣俾客，客人未必有專業知識去分辨好壞，亦可能會貪平，但平唔代表要食根本唔食得嘅死蟹。店家完全有責任處理掉變壞/不新鮮/不適合食用嘅商品」、「佢檔嘢超多死貨放出來賣」。
但亦有大批網民嘲笑他貪笑便宜，勸導他當買一次教訓：「明知死蟹仲買」、「貪平就係咁㗎喇，唔識嘅話又唔問」、「你依啲咪以為自己好醒平少少，結果嘢又冇得，食錢咪一樣俾咗人囉」、「貪平咪上咗一課囉，海鮮海鮮，鮮咪就係要買生嘅咁解」、「我哋開舖頭有權賣，佢點知你攞隻蟹攞嚟做咩啫，你大可以同舖頭啲人講我想食隻靚啲嘅蟹，人哋都唔會要你買隻死蟹啦，都係只怪貪平。」
魚檔負責人回應事件
後來魚檔聽聞此事後也作出公開回應，負責人指店員有向事主清晰講明該長腳蟹為死蟹，並在不久前放到台面上，才有「啱啱死」的說法，不存在欺詐行為。同時除了蟹本身的質量，天氣、路途、處理手法不當等原因皆會對蟹最終質量造成影響。
除此之外負責人強調，事主在出post前並沒有以任何途徑將此事告知魚檔，她表示如購買到有問題的海鮮，可以將商品帶回門市，若問題在於魚檔，他們樂意作出賠償。希望事主可以再次來臨魚檔，由老闆娘親自解釋事件，以化解誤會。
