有種女性，即使好注重妝容及服裝，外觀上無懈可擊，但就係唔知點解一直單身⋯⋯或許問題就出在平日無意識嘅言語之間！一啲自己習慣嘅口頭禪，或會令異性心生反感。即睇日本男性評選，6大「扣分」口頭禪！
撰文：C｜資料來源：Trill｜圖片來源：visualhunt、電影截圖
最令男性反感的6大口頭禪
1｜初見面便敬而遠之的口頭禪
初次見面嘅第一印象非常重要，而呢類口頭禪會令男性覺得「冇機會」而退避三舍。
一開始就否定：「但係～」
日本男性稱，偶爾會遇見一啲女性，無論人哋講咩，都總會以「但係～」開頭發表意見，感覺一開始就被否定，會令人覺得難受。
太悲觀：「反正～」
受訪男性稱，曾有透過朋友介紹嘅女性，傾第二句就話「反正」，令佢覺得同負面思考嘅人喺一齊唔開心，氣氛太沉重，因此就冇再同對方會面。
只係矯正選詞，多用正面詞語說話，就可以一改對方對自己嘅印象。
2｜判定為「不想交往」的口頭禪
進入下一階段，關係變得較近，但仍被判斷為「果然無法交往」。
太慳家：「好嘥嘢」
受訪男性稱，曾有個覺得唔錯嘅女性，口頭禪就係「好嘥嘢」。雖然覺得慳家係好事，但另一方面諗到如果結婚後，由老婆管理金錢嘅話，會覺得無法自由用錢。呢種踏實嘅女性唔係話唔好，但自己會覺得有壓力。
覺得好麻煩：「我好肥」
唔少女性都會將「肥呀」掛喺嘴邊，但實質上一啲都唔肥，呢個情況下，男性又不得不話「唔係呀，一啲都唔肥」。呢句說話會令男性覺得厭煩，非常扣分。
3｜小心講得太多！超厭煩的口頭禪
最後，即使意識到男性角度點睇，但一啲原本認為對方受落嘅語句，講得太多都會令人心生厭煩，特別要注意呢兩句。
冇意義嘅連環「你好叻呀」
受訪男性稱，自己認識一個只要對方係男性，就會不停讚對方「叻」嘅女仔。認為對方在努力想要受歡迎，但冇意義地讚得太多，反而覺得自己被對方當「傻仔」，即使想努力稱讚男性，都最好有其他變化，唔好一味都係同一句。
只令人覺得一無是處：「幫我！」
一位27歲的男士稱，喺一次近10人嘅BBQ大會中，有個女仔不停話：「我做唔到呀，幫我！」聽得多咗就覺得煩，覺得呢個女仔只係個咩都做唔到嘅人。
想凸顯或想倚賴男性嘅語句，雖然一定程度上有正面效果，但如果冇意義地講得太多，就會適得其反。特別係日常便會意識住異性目光嘅人，好容易令呢種語句變成口頭禪。為避免對方覺得厭煩，應多加注意。
