雖然工已返，但大家仍處於新正頭逗利是、食開年飯的過節狀態！無論同公司食、親戚食定朋友食，開年飯局例必會點叫意頭十足嘅菜式同糕點，應節贈興得嚟，更可催旺新一年運勢！不過中菜並非唯一選擇，有冇諗過原來食日本水產都可以催旺運程呀？
早前從JFOODO得知上文提及，喺日本流傳已久嘅壽司文化，先驚（係驚喜個驚呀～）覺原來日本人每逢節日都必定會食三大催運水產，分別係代表長壽嘅鯛魚；象徵升職、成功同好運嘅油甘魚；同埋祝願一帆風順嘅帆立貝。為咗替大家用味蕾深入了解呢三大幸運（催運）水產，我哋就搶先喺1月25日至27日「日本・開運魚盛宴」正式啟動前夕，搶先參加咗傳媒試食同體驗活動！
一連三日嘅活動場地揀咗喺中環一家日本餐廳進行，仲請埋日籍大廚以傳統日式烹調方法，為日本三大催運（幸運）水產設計出 6款嘗味菜式，畀大家玩完互動遊戲、扮完壽司師傅打卡吸like、寫埋心願後，再慢自味！
JFOODO總監大泉裕樹（Hiroki Oizumi）先生表示，喺傳統日本文化裡面有很多「道」，好似武士道、空手道和茶道等等，每一個「道」都代表住該範疇嘅殿堂級人物！佢哋抱持一生懸念嘅匠人精神，不斷鑽研技藝上嘅精益求精，甚至達到藝術境界，並肩負傳承該傳統精神文化的重任 。而JFOODO亦以求「道」為目標，要將日本壽司文化和飲食傳統，介紹同推廣畀更多對日本食品有興趣嘅香港人認識。
開運魚：鯛魚
想活力充沛？必食代表長壽，兼招好運嘅鯛魚！佢油脂均密、口感細膩，仲係低熱量和高蛋白嘅健康美食，所以係日本人逢年過節必定要食嘅！
開運魚：油甘魚
想升職似坐升降機？就要食代表升職、成功和好運嘅「出世魚」（油甘魚）喇！含豐富DHA及EPA，幫助你提升腦力，做嘢醒目過人，升職自然話咁易！仲可以提升運氣同改善健康添。
開運魚：帆立貝
想事事順利？必食寓意一帆風順嘅扇貝（帆立貝）喇！見佢個樣同泳姿就知道點解叫帆立貝。含豐富礦物、維他命B和牛磺酸，可幫你驅走疲勞、強化肝功能！更可催旺運勢、增強健康。
