【恐怖童年回憶】日本Twitter呢幾日流行晒「童年最怕嘅嘢」（#子供の頃怖かったもの），大個睇番轉頭可能已經唔覺有啲咩，但係細細個見到都真係會驚到震！原來童年害怕嘅嘢都算係「世界大同」，你又有過啲咩「童年陰影」呢？

撰文：C｜圖片：Twitter

恐怖童年回憶晒冷

1｜劣化廣告板

網友話，細個時返學嘅必經之路會見到咁樣嘅廣告板，本身已經夠恐怖，再慢慢生銹劣化之後，點睇都好似感染咗恐怖病毒咁，依家見到都會驚一驚。

https://twitter.com/Bf1fc4TJGB15Joc/status/1072812859430563840

2｜《蠟筆小新》電影

網友話大個睇番都仲覺得驚！甚至話細個睇完之後，有一段時間無法相信身邊嘅人（笑）。

https://twitter.com/light31597503/status/1072787040691879936

3｜2012世界末日傳說

網友話當年諗到自己只有16歲，咁年輕就要迎接死亡，不禁背脊一寒。另一位網友就話，喺預言之日嘅前一星期先至喺電視上得知，完全未做好心理準備，然後記得12月24日一早醒來發現冇事就開心到喊！

4｜《千與千尋》無臉男

網友話成套《千與千尋》都超級恐怖！暴飲暴食然後慢慢變成豬嘅父母、千尋同湯婆婆初見面時嘅工作面試、變成龍暴走嘅白龍、湯婆婆經營嘅店其實係風俗店等等，無論係細個嘅時候，定隨住年齡增長見多識廣後再睇，都一樣恐怖。

5｜《反斗奇兵》Baby Face

網友話：「佢一眨眼就嚇到我魂飛魄散！然後一近鏡，即刻嚇到想熄電視！」

6｜真理之口占卜機

網友話：「當時仲係幼稚園生嘅我，覺得如果一伸隻手入去，手掌就會被刻成上面嘅畫面咁樣。細個一直都好怕呢部機！」

7｜隙縫

網友話：「比起怕跌落去，覺得如果同啲『不明物體』對上眼嘅話，真係唔知點算⋯⋯所以每次入港鐵車廂時，都會故意唔望隙縫，最後差錯腳跌倒喺車內大喊⋯⋯」

8｜雜訊雪花電視/檢驗圖

網友話：「轉台時唔小心撳錯掣轉到『雪花台』，然後一響沙沙聲，即刻嚇到心跳漏拍。父母仲要話一直盯住望嘅話，靈魂就會被吸入去！簡直係童年最恐怖嘅回憶！」

網友話：「電視結束播放時嘅畫面真係好恐怖。加上細個時父母話，會見到呢個畫面嘅都係唔肯瞓嘅壞細路，會有恐怖嘅人喺電視出現，於是就顯得更恐怖⋯⋯」

9｜麥當勞叔叔

網友話：「讀幼稚園嘅時候，老師話如果喊極都唔收聲，就會被呢個人帶走㗎喇！之後我就喊得更犀利（笑）。」

10｜木紋

網友話：「杉木特別恐怖！細個望住天花板嘅木紋，總覺得望親都好似唔同咗樣咁。而且望落似一張臉，驚到不得了！」