喺你心目中點先為之性感？豐滿的上圍還是圓渾的臀部？多數人都覺得胸部係女性最有魅力嘅部位，亦係性感與否嘅關鍵，但係近年就有外國專家陸續推翻呢個謎思，發現女性身上愈細微嘅部位，反而更能勾起男性慾望。大陸媒體《生命時報》之前就整合了3個外國專家提出的新崛起性感部位，睇完下文後，小心唔好眼甘甘望住你啲同事啊（奸笑）！
撰文：Charmaine｜圖片：Instagram｜編輯：乖乖隆地洞＠Central
1. 副乳
香港女性一向都最怕有副乳，咁其實副乳就係兩側乳房靠近腋窩位置嘅小肥肉，對好多歐美女星而言，露出副乳被認為係性感部位嚟，所以會以背心穿搭露出若隱若現嘅副乳，令一眾男同女fans都鼻血直流。
2. 下背
英國西蘇格蘭大學心理研究證實，男人望女人嘅第一眼並唔會直接望胸部，而係身體嘅曲線，尤其係腰部嘅線條，而影響曲線最關鍵嘅就係下背部。所以有唔少女性去健身房，就係想要鍛鍊背部，只要不再虎背熊腰，咁就著咩衫都又靚又好睇啦！
3. 嘴唇
英國曼徹斯特大學嘅另一項研究發現，如果以臉部嚟睇，男性目光會停留係嘴唇上7秒，眼睛同頭髮嘅時間就唔夠1秒。由此可見女人買多啲唇膏、成日搽潤唇膏係冇錯嘅！既然係性感嘅象徵，當然要好好保養扮靚啦！
不過咁，雖然女為悅己者容，但係只有性感嘅身軀係唔夠嘅，除咗外貌同外形之外，笑容同性格都係最能吸引異性嘅嘢嚟㗎！總而言之，如果想對方鍾意自己，記得唔好一味靠露，以免適得其反，投其所好同保護自己都好重要。
