屯門人被偷八達通$2,000消費券一晚清袋 網民憑N個線索推理疑犯真身
消費券派發一段時間，不少人選擇入帳於八達通方便使用，但同時亦便利了「被使用」方法。近日有屯門居民網上發文指，八達通早前於工廠區被偷，其後翻查記錄發現賊人的消費路線，時間及交易地點均清楚被列明，證據顯示賊人曾到允記運動產品中心、卓悅、Bauhaus、大家樂消費。事主雖已經報警處理，但卡內$2,000消費券一日內被「嘟爆」，深感不忿：「呢個小偷好自為之，如果佢只係用少少，我都唔會舉報佢，但$2,000幫我用到盡，我唔會放過佢」，同時亦提醒其他人要小心注意提防。
網民以消費路線推測疑犯身分 鎖定3組別
事主公開其犯罪行徑後，網民指事主憑消費記錄及商戶的閉路電視，要捉到疑犯並不難，但相信需時甚久，亦指家人曾發生同類事件但最終也毫無回音。大眾網民因而憑著蛛絲螞跡為事主推敲疑犯身分，懷疑疑犯常出入一個商場，根據賊人的消費模式，估計並非一人行動，「明顯係一男一女，男嘅去允記買波鞋，女嘅去卓悅買化妝品，再一齊去Bauhaus買衫買袋，最後一齊食大家樂，所以有兩個餐。」
神探網民：疑犯可能係肥仔
亦有網民估計疑犯實屬一名「肥仔或肥妹」，原因是「大家樂一個餐唔夠飽所以要食兩個，再去優品360買零食，短短十幾分鐘食咗幾百蚊」；另一位網民則估計疑犯是一名追星族，「大家樂呢排換星夢閃卡，一定係fans先會一次過買兩個餐抽卡」。
網民偵探上身，同時亦指現時所有電子消費基本上都有記錄，要追蹤賊行根本唔難，並指「咁蠢唔好做壞事」，不過亦有不少網民反映自從派發消費券後，身邊常聽到遺失八達通事件，大家要好好「袋實張卡」。
