原文刊於 《新Monday》｜圖片來源：Facebook、劇集截圖
好同事會做的 7 大窩心行為
1. 放工肯出來食飯、睇戲、行山
如果你們的關係能從純粹同事變成能相約睇戲、食飯的朋友，證明你們關係也不錯。
因為同事好多時，只係你「星期一至五的朋友」。
2. 肯同你講真話
office充滿衰同事是常識吧！所以遇上好同事就要好好珍惜呀！
跟普通同事的對話，就僅僅是圍繞工作，或是那些「你對鞋好靚喎！喺邊度買㗎？」等冇內容話題。只有真心當你朋友的同事，會誠實跟你講心底話。
3. 「喂，一齊食飯囉～」
別小看這句說話，其實聽到呢句說話嗰個人，係會好窩心。至少會有個人拉你一齊食飯，而唔係當你透明。食飯嗰陣，仲可以增加感情，也是收風的好時機！
4. 買咖啡、零食一定預埋你
而且清楚你喜歡邊一款薯片、朱古力及飲開邊種咖啡，連加幾多糖都有晒默契。
5. 幫你分擔工作
有時同事問：「你走得未？一齊行啦！」你話：「仲爭啲手尾呀！」這個時候他/她便會暖暖拋出一句：「爭咩呀？一齊幫你整埋啦！」肯捱義氣幫你啃衰嘢，絕對係愛啊哈利！
6. 在你忙到發癲或受委屈時叫你保持冷靜
當然都會同你一齊鬧爆衰同事/上司/高層/客戶…… 喺你頂住條氣嘅時候，好同事就係令你開心返的靈丹妙藥。
有一些好同事甚至還替你出頭，以牙還牙！
7. 只要有他們，公司也沒那麼糟
每日要留喺公司咁長時間，如果冇咗一班好同事，10個8個鐘，點捱到放工呀？
長大後，見同事/老細的時間仲耐過見家人！遇到好同事，真是要好好珍惜呀！可以試吓玩呢個好同事計分表啊！
