冰製可樂樽環保兼過癮

每次飲可樂都一定要夠凍先好飲，咁如果用冰製成的樽來飲，就不怕不夠凍啦！可口可樂就在南美國家哥倫比亞推出冰製可樂樽，大受當地人歡迎，仲每小時賣出265樽添。日本亦曾經在夏天推出這種冰製可樂樽，當時只在幾個沙灘中以pop-up 店形式出現，大受歡迎！如果香港都有，大家又會唔會買？

據講要製成呢款樽，首先要將已過濾的水注入矽膠可樂模中，然後以-13度的低溫使其成形；當有人購買的時候才會即場將可樂入樽，保持新鮮以及不被稀釋。不過份量就當然唔夠一支啦！

顧客買的時候，冰樽上更加會套上印有可口可樂嘅紅色手帶，確保顧客隻手唔會被冰凍親！買咗呢樽冰可樂返來後，你除咗可以飲，又可以食冰，最後個冰樽溶化後又唔會成為沙灘上的垃圾，非常環保！鍾意的話，那條套在樽上的手帶更可以成為飾物，認真一物多用。