$10報紙突然索價$1,000 店員錯手終退回現金 網民：變相套現？
事源網上近日流傳一張對話截圖，帖文者指其朋友近日到便利店購買一份價值$10的報紙，付錢時沒有留意收銀機標示的銀碼便以八達通「拍卡」付款，但當接到收據後乍眼一看，即時被金額「嚇親」，原本$10的報紙被收$1,000，價錢收貴100倍！事主即時返回店內向店員投訴，最後證實當時店員錯手輸入「多咗2個零」，幸能取回$1,000現金退款。
不過帖文者一度指「死都唔信會㩒錯掣$1,000，好明顯收銀員有問題，如果我朋友沒有發現，收銀員點數時退款會袋落自己袋啦！我可以咁樣諗，應該都正常，係騙取客人消費券嘅手法」。網民得悉後表示「想事主公開分店地址，自己要避免去嗰間分店」、「我用八達通從來不檢查收據！下次真的要看清楚！」、「好多時貪方便，不過有電子變據做記錄就幾時都追得返」。不過亦有網民指，事主朋友獲退現金變相是非法套現消費券，懷疑日後有人會與便利店職員串通套現，「新方法套現？下次可能一次過㩒錯$3,000，退返現金$3,000」
其實消費券推出後，坊間亦有不少人表示購物時常被「收錯錢」，有人到藥房買$57咳藥水時被收$570，拍八達通付款後方發現金額錯誤；亦有人表示當使用電子消費時，商戶會不提供收據，懷疑店家有「蠱惑」。而根據政府消費券指引，消費券並不容許套現，因應八達通運作模式所限，退款安排會由商戶及消費者協商決定，包括現金退款。
