中年大叔途經街市被遊說「修眉改運」 不甘被剃走半條眉：運氣仲差咗！
運氣這回事，真的隨便就能改變？最近有位中年男士「報東張」投訴被商家欺騙！事源這位中年大叔梁先生上月途經逸東邨街市時，被街邊一檔口的店員截停並熱情地推銷「幫你修眉改運」，指「修一修眉就可以改變運程」。無法抗拒店員的梁先生於是便進店內放心地把自己原本「英偉」的眉毛交給店員處理，自己早早就閉目養神，誰知店員一動手便已經「剃緊我條眉」，「我即刻嚇到坐起身，問佢乜你唔洗幫我畫好眉型先修眉咩？」，店員則解釋指「幫你清除眉毛邊嘅雜毛先」。
修眉後沾沾自喜問女兒：我整得好唔好睇？
其後店員改為幫梁先生畫眉，但梁先生看到眉型後認為不適合自己，因而離開。不過梁先生仍未有意識到自己「條眉出大事」，還滿心歡喜地自拍給女兒問道：「我今日修咗眉，好唔好睇？」，誰知女兒直指「你做咩畀人剃咗半條眉？」。聽罷梁生即時晴天霹靂，「嬲到幾晚都瞓唔著」，指「都唔知係咪早有預謀，我返去間舖問佢，佢仲叫我畀$2,000紋眉」。
修眉後運氣更差：買波買馬都輸晒！
聽到店員的回覆後，梁先生不甘受辱拂袖而去，但自己仍心有不甘，「整完條眉運氣仲衰咗，買波又輸，買馬影相又差啲」。其後節目組再到街市尋人，舖位已人去樓空。梁先生更表示「我都知道講出嚟會畀人恥笑話我傻，但我都想講出嚟等大家唔好再被黑店呃」。
網民：已經幫你改咗運啦，人哋無話改好運喎！
不少網民指看到訪問後「畀啊伯笑死」，笑言「今舖真係修眉幫你改咗運，但唔係好運啫，某程度上無呃你啊」；亦有人懷疑受美色引誘才會上當，平常人都不會光顧街市的修眉檔口，「今次仲唔剃你眼眉」。
