有人睇愛情片會喊，因為篤中自己嘅過去；有人睇鬼片又會喊，因為驚。但對肥仔肥妹嚟講，剩係《醜女大翻身》同《瘦身男女》兩套戲已經可以喊足兩日喇！點解呀？係愛，定係責任呀？係熱血呀！韓國有個人稱「恐龍妹」嘅女仔金妮以生命去減肥；兩年內成功憑毅力同意志，由 100 公斤減至 50 公斤，足足減咗半個自己，真係難以置信，令人佩服。
撰文：白仔、Kevin Au、素岐@Central丨圖片來源：Instagram
10招減肥秘訣 分享
打開金妮嘅 Ig ，會發現佢無可否認真係一個美女，外貌端好、妝容亮麗、標準偏上嘅身材，坐擁超過十萬 followers 都唔係咩特別嘅事。
但係當你再發掘多少少，你就會發現……
冇錯，相中人就係佢！有人話女大十八變，編者覺得係七十二變先真。
金妮讀中學嗰陣最鍾意食垃圾食物，每個禮拜五食炸雞係佢最期待發生嘅事。「你吃甚麼，你就會變成甚麼。」當然佢最後冇變成炸雞啦！但係體重亦都好有交代地飆升到 99 公斤，即係差唔多二百磅呀！
呢二百磅嘅脂肪好似計時炸彈一樣，終於爆炸。一次腰椎受傷燃起咗佢減肥嘅決心。跌倒唔緊要，最緊要識得企番起身。喺減肥嘅過程，佢學識咗同信奉十大法則，直至依家都遵守住。
1.每天喝大量開水
2.不吃鹹食，特別是下半身容易腫脹的人
3.不吃含澱粉質的食物
4.吃太多時，記得多走動
5.每天都要攝取蛋白質和蔬菜
6.每天持續運動至少10分鐘
7.多吃乳酸菌食物/飲品助消化
8.每天最多進食一次甜食
9.不吃宵夜
10.每星期都計劃一周的飲食和運動
大家見到十條法則可能已經怕怕，又懷疑自己老老實實做到幾多樣。編者認為成功自古在嘗試，只要你肯開始做，結果總會係意想不到嘅！
