不知不覺夏天將至，又係時候露腰露腿露好身材！冬天唔小心食多咗，肚皮幾層肥肉唔夠膽去沙灘，一於學學韓國出名的紙杯減肥法啦！由韓星朴寶藍帶起熱潮的「 紙杯減肥法 」，唔使辛苦做運動，唔使食得淡而無味，仲可以密密食，就成功減甩32公斤！
撰文：WW｜圖片來源：網上圖片
韓星朴寶藍力推！ 紙杯減肥法 勁減32公斤！
朴寶藍以前參加新秀嘅時候仲係肥妹仔，後來勁減32公斤，搖身一變變成索女，連粉絲都差啲唔認得佢。後來朴寶藍公開餐單，話自己每餐嘅分量都係3個紙杯。原來就係用咗紙杯減肥法的概念，唔通真係咁有用？
寶藍嘅餐單其實1日分5餐食。早餐食番茄、紅薯、雞胸肉同1杯菜。午餐就剩係食雞胸肉沙律。下午茶可以食1隻香蕉、3隻蛋白同1隻蛋黃。晚餐就食番薯1個、半杯雞胸肉再加1杯菜。宵夜食一隻香蕉、2隻蛋白、1隻蛋黃同3粒核桃。每餐都唔超過3個200ml紙杯嘅分量。而韓團Nine Muses都係實行緊紙杯減肥法！
紙杯減肥法概念
「紙杯減肥法」需要3隻大約200ml的紙杯，而早、晚澱粉質、蛋白質同纖維嘅攝取量分配都有分別！
早、午餐：
可以攝取1杯碳水化合物，例如米飯、麵食、薯仔等等，加1杯蔬菜和1/2杯肉類（蛋白質）。每餐平均食2杯半嘅分量。
如果真係忍唔到口好想食下午茶，就可以選擇食水果同飲一杯低脂高鈣牛奶，有飽腹感又唔肥！
晚餐：
就要將1杯碳水化合物減至1/2杯，其餘不變。即是只能夠有2個紙杯分量嘅晚餐。
總結：
呢個紙杯減肥法，聽落其實都有少少harsh，不過從來想靚都冇可能不勞而獲，大家可以考慮下呢個方法適唔適合自己，又或者久不久轉下減肥方法，都會減低半途而廢的機會啊！
相關閱讀：【韓星減肥】跟著 f(x) Luna 減 10kg｜只要5招！肌肉型小腿都減得走
