女仔的私處本來就有益生菌保護著，但不見天日，有私處異味都不足為奇。嚟M同做完運動的時候，那股腥臭味可能變得更加濃烈，這都是正常的。但是，當你有日發現你的陰道有股好強的味道傳出，勁到你驚隔籬位都聞到、男朋友連性暗示都拒絕的話，你就要留意下喇！是時候管理一下自己的飲食習慣，多吃朱古力、牛油果等以下幾種食物啦！如果你是男生的話，不妨記下下列食材，助你女友告別臭 _！
text：酒啊九叔、Athena photo：新傳媒資料庫 edit：Heitung@Central
朱古力、牛油果咁有用！？ 9種姊妹恩物食材防私處異味
1. 紅莓汁
紅莓擁有抗氧化花青素和豐富的維他命A、C和E，能擊退私處的尿道細菌。加拿大有研究更指出，能夠抗尿道炎。最好選擇一些天然無糖的紅莓汁，對身體冇副作用又健康。
2. 乳酪
乳酪本身就係益生菌，可以幫助陰道維持酸鹼度。如果唔鍾意食乳酪嘅話，泡菜、酸青瓜和德國酸菜都有好豐富的益生菌。
3. 番薯
番薯有豐富的維他命A，能令陰道和子宮壁維持健康。 而且番薯的卡路里很低又飽肚，能減肥又健康，非常適合。
4. 蒜頭
原來生食蒜頭可以殺菌，紓緩陰道感染。不過食完之後可能要刷牙、飲下水喇！如果唔係到時就唔係妹妹臭到人，係把口臭死你BB喇！
5. 大豆類食物
豆腐、豆漿和枝豆等嘅大豆類食物含有植物雌激素，能保持陰道濕潤健康。不過過度加工嘅大豆食物係冇用㗎！最好食番啲最天然嘅豆類食品。
6. 牛油果、蘋果
呢兩樣果平時都好易買到，都可以保持妹妹持久濕潤同健康。
7. 水
原來另一半成日叫自己飲多啲水係啱嘅。但最好除了把口叫飲水之外，都多啲關心下你嘅BB豬，自然又warm又開心。一日飲8杯水就自然身體好，陰道健康都冇問題啦！
8. 黑朱古力
食朱古力可以令人開心之餘，仲可以抗氧化，食黑朱古力仲可以提升女仔嘅性慾同性能力。咁作為男仔嘅你，想你另一半性生活健康快樂嘅，都可以送啲朱古力畀佢哋呀！
9. 新鮮蔬果
蔬菜生果可以幫助消化、增加血液循環、維持身體健康，仲可以減少經痛。食多啲菠菜更可以增強你嘅血液循環，令你嘅妹妹冇咁dry。除此之外，中醫師亦曾提過蜜桃或火龍果都是滋補生果，對於女士們的月事帶有保護的功效，且能減低大姨媽探訪期的不適，絕對適合女士食用！
最後呢，其實食少啲紅肉都可以令你嘅體味冇咁重。因為紅肉含有豐富的蛋白質，令到細菌滋生，陰道容易變得敏感。所以冇咩必要，都唔好食太多肉類喇！
