2024巴黎奧運｜饒家輝訪問王嘉莉被斥「似審犯」空手道李振豪：十分不尊重！

奧運年盛事每4年一度舉辦，因此各大電視台紛紛派出記者前往現場採訪，而在今次的巴黎奧運期間，香港記者的行為引起不少港人留意，事關有網民表示ViuTV記者饒家輝未顧及運動員的感受，所以得訪問看起來如「審犯」，因此有聲音要求更換採訪者。

訪問柔道女將王嘉莉時問人拎咗幾多出嚟

饒家輝採訪了在64強賽事中止步的香港柔道女將王嘉莉。賽後，他問道：「完成第一場奧運比賽覺得點？」王嘉莉表現出不滿意自己的表現，饒家輝繼續追問：「唔滿意喺邊度呀？」王嘉莉回答說：「輸嗰下其實係比賽前係咁研究，諗點樣防守得好啲，但最後都係做唔到……」他又問：「你賽前都講過想同佢鬥立技，但比對手拖到用寢技，最主要關鍵係咩呢？你做漏咗咩呢有一刻？」及「跟咗蒙古教練一段時間，你覺得蒙古教練教你嘅嘢，呢場比賽你拎咗出嚟有幾多？拎到幾多嚟用？」

viutv 饒家輝饒家輝採訪了在64強賽事中止步的香港柔道女將王嘉莉（圖片來源：viutv截圖） — 饒家輝採訪了在64強賽事中止步的香港柔道女將王嘉莉（圖片來源：viutv截圖）

viutv 饒家輝又問人做漏咩，又問人拎咗幾多教練嘅嘢（圖片來源：viutv截圖） — 又問人做漏咩，又問人拎咗幾多教練嘅嘢（圖片來源：viutv截圖）

點擊影片睇更多：

網民極不滿似審犯：忘記尊重同鼓勵運動員係更重要

網民對饒家輝的採訪方式感到不滿，紛紛在ViuTV的社交媒體上留言批評。有人表示：「啲運動員真係好慘，輸咗比賽都已經心情唔好㗎啦，仲要應付埋啲記者嘅白痴問題。」另有網民指出：「Viutv絕對要換咗訪問條友，審犯咁，係咁問人邊度出問題，上屆已經覺得佢好差。」還有人建議：「佢好想Show到自己好有認識好識問問題好尖銳，但忘記咗尊重同鼓勵運動員係更重要，特別係輸嘅情況下，其實佢問完答完又點？觀眾有得著？冇就不如關心嚇運動員畀啲鼓勵人。」

viutv 饒家輝饒家輝是香港體育評述員，入行近10 年，代表ViuTV去做巴黎奧運訪問（圖片來源：NowSports） — 饒家輝是香港體育評述員，入行近10 年，代表ViuTV去做巴黎奧運訪問（圖片來源：NowSports）

viutv 饒家輝網民極不滿於訪問片中留言，認為ViuTV的記者饒家輝似審犯（圖片來源：viutv留言截圖） — 網民極不滿於訪問片中留言，認為ViuTV的記者饒家輝似審犯（圖片來源：viutv留言截圖）

viutv 饒家輝網民希望換人（圖片來源：viutv留言截圖） — 網民希望換人（圖片來源：viutv留言截圖）

空手道李振豪：十分之不尊重似足賽後檢討

空手道運動員李振豪也在社交平台threads上發表了自己的看法，表示某香港電視台記者無論是問題、語氣對運動員極不尊重。問運動員個人感受是沒有問題，輕佻的語氣已經去到像賽後檢討，建議要照顧運動員感受，因為能夠踏上巴黎奧運是花費多少的心血外人是不清楚，更表示想反問一該名記者「你知唔知人地唔滿意你邊度啊？」有體育記者亦留言表示贊同。