Fresh Grad仔自問條件好 呻5大優勢marketing入行都係得16k
一名Fresh Grad於Threads發帖以「做Marketing fresh grad係咪冇資格收22k人工？」為題，自問條件非常好，首先返過4、5份工，第二無論是解難以及執生能力都很好，做過不少大公司mini concert launch 如海洋公園、新城市等，第三幫4間不同style的公司營運過專頁，只有數月便收穫6k followers。第四自己識影相寫文加整圖，第五老闆都非常喜歡他，形容喜歡的程度去到「寫滿一頁reference letter瘋狂讚我」
那名Fresh Grad仔就質疑到底自身的條件是否「周街都係」因為見工只收到16k嘅offer，還已經是高開了的價錢，因為普通Fresh Grad只得14k。表示就算學到好多嘢，但係接受不到自己拿不到過20k，反問「marketing fresh grad係咪無資格收22k人工」
網民：繼續自我感覺良好 咁勁舊老闆唔用22k請返你？
網民對於這位Fresh Grad仔的發帖反應不一，有人質疑其真實性，認為可能未必會相信Fresh Grad已經能有這麼多的經驗，建議如果事主真係咁有信心可以同老闆傾傾條件以及晉升機會。亦有網民質問樓主所謂的工作經驗中，到底是負責那一項目「你一個人做晒睇晒？ 有幾多條靚跟你？Launch Flagship Store 係點樣launch 法？出個post 又係launch，搞個event 搵晒記者影相又係launch，你負責邊一樣野？Manage 過4間公司social media你一個人做晒？」
亦有不少網民表示如果樓主現時的老闆「這麼喜歡」為什麼不用22k的人工繼續請他？「如果你老闆佢願意寫滿一封reference letter 讚你，點解佢又唔肯用22k 請你？」「點解做intern間公司唔開22k請樓主？」樓主就回應唔想做死舊那間公司。有網民就認為Fresh Grad仔實在太有自信，太過自我感覺良好「睇樓主講嘢就好似啲人用緊agnes b周圍同人曬命話自己好有錢用名牌咁 但完全唔知呢個世界有H 同chanel」「繼續自我感覺良好」「講到好似自己好有能力 一細問就企唔住腳」
Fresh Grad仔：我得閒放個屁，4個鐘都有18k views
Fresh Grad仔再次回應網民，強調自己「得閒放個屁，4個鐘都有18k views」仲計了一條數出來，認為老闆們點解好意思開出16k的offer「我當你個 cost per view 係$0.2 呢4個鐘嘅等待都值 3.6k 市價。換句話說：計返一日8個鐘，marketing 嚟講 已經幫你慳左 28.8k 做brand awareness 嘅廣告錢 仲未計我識 SEO, SEM, etc… 我相信有呢個能力嘅人有好多 但老闆們，你好唔好意思一個月俾16k人工我哋」而Fresh Grad仔表示現時已有19k！
不過亦有網民認同樓主，表示自己有類似的經歷：「當初fg都係咁，真係會覺得我是個很賤的人嗎？原來無論有冇能力都只值呢個價」、「我尋日都被人開16K，叫我由頭學起佢間公司嘅野，唔好玩啦，文員仔都18K」、「我出嚟做嘢20幾年，以前就是因為試過壓低要求薪酬，從此每次找工作都不能獲得一個合理的市場薪酬。16k的工作往往會要求你輸出24K的水準，呢啲出手低嘅公司我都做過幾間，結論是絕不會有更好的發展 。」
Fresh Grad仔堅信自己反指：太多人接受過低人工、被勞役過
面對網民的質疑和建議，這位Fresh Grad仔堅持自己的立場，並表示因為有太多人會接受低人工以及「被勞役過」，就看不起他們這些Fresh Grad後輩，認為要同樣被勞役過才有資格入行。強調自己做返本科根本可以輕鬆有25k，只係對markerting有興趣先試一試，而且以自身條件，做freelance或intern已經有12－13k的人工，但呢份工卻只有16k，只有多intern時的人工4k左右。樓主表示沒有質疑其他人的能力，只是戥mkt嘅人唔抵，大家應該都值得更高的人工。至於點解樓主Fresh Grad仔就已經有咁多經驗，覺得無必要同大家交代。
