服務業匿名投稿：全行唔少人有精神問題
有網民在Facebook群組「飲食黑店大全」上匿名投稿，指家人從事服務行業，近年因3大原因壓力極大，甚至出現情緒問題。
1.擔心顧客會拍片影相投訴，會被放上網欺凌
2.香港西客太多幾好禮貌都冇用：「很容易被投訴」
3.舖頭有執笠危機
因此樓主希望市民體諒服務業，直言：「唔少人已有精神問題」
網民拒賣帳狠批：你檢討下自己先啦！
然而，不少網民對於事主的賣慘都表示不滿，更直指對方的服務有問題，才會有這樣的下場：「所以做客就應該俾你哋即場欺凌？一睇就知你哋精神有問題」、「入去食嘢啫，好似欠左你咁俾哂面色啲客睇，唔係精神有問題係咩？你檢討下自己先啦」、「不斷用西客兩個字去幫自己服務差開脫，無錯係有西客，但而家係連正常客都俾你地X，更嚴重嘅係連周邊國家嘅旅客，都X緊香港服務業」、「係咪傳說中嘅情緒勒索？」
部分網民支持：客人都好有問題！
也有不少網民認為香港客人都很有問題，「西客之都，點服務都一樣」，也有網民建議事主放鬆心情不要執著，「做服務行業，基本上要放低一些自尊，客人永遠無情，自己處理不到，交回上司解決，不要爭抝，好上司第一時間叫你離開客人視綫，做服務行業是辛苦錢。」
