「點解港人旅行咁鍾意着風褸？」 原來背後有4大優點
樓主在除了在Thread問到上述問題，更好奇表示：「普通『風褸』，唔保暖、唔防水、唔防風，同着個膠袋冇分別；真正功能外套，當然有作用，但是去大城市，又唔係日日行山，點解要着到咁功能性呢？」當中更笑言：「仲要多數係桃紅色或者藍綠色，一路行一路熠熠聲嗰啲」帖文引來部分網民認同，甚至表示只要在其他國家見到亞洲人樣，風褸穿搭，有8成機會是香港人：「旅行點解要著運動裝」、「港人孖寶=風褸+背囊」，不過就有網民大讚優點多多，原因有四：
1.穿風褸非常方便
不少網民指出風褸重量夠輕 ，收納好方便，不過霸佔行李箱的位置：「風褸最慳位，放係出街袋又唔覺佢阻掟的小外套。去旅行，無人想攝親嘅。」、「好多時我着風褸係個trip城市+行山兩樣都有，而stay係城既時間唔多，又冇特別book咗咩貴餐廳貴酒店有dress code果啲，就會懶得帶多件褸，風褸走天下」
2.風褸功能性強
此外，風褸功能多多：「雖然我細個覺得風褸隻料又嘈，外形又X，但係玩徒步之後，就覺得一件功能性風殼真係幾有用，夠輕、收納好方便、防潑水、擋風又透氣，有時旅行預咗行得多路 （長時間有氧運動）可以微調體溫，春秋時間真係好適合著」、「當雨褸，因為成日突然橫風橫雨，然後出大太陽，再Loop幾次。同埋外國D風擔遮係完全冇用」、「因為明明好熱（日頭24度） 怕夜左有少少凍（夜晚16度）著褸又怕熱，唔著袋住又重」
3.風褸有大量的收納空間
最後便是風褸有大量衣袋，方便去旅行：「多袋，有內袋放銀包安全，我件有防曬功能」、「件褸好多暗袋 可以放多至少5KG行李上飛機」。
4.高辨識度，帶長者去旅行無咁容易走失「老友記特別適用」
網民笑指：唔係得香港人係咁！
不過亦有網民表示並非僅香港人喜歡穿風褸，因此留言表示：「如果係著THE NORTH FACE既話又唔好一口咬定係香港人，其實日本人都鐘意著」、「又咁諗，可能因為我哋都係香港人，所以自然比較容易認得啲香港人」、「所以剩低兩成可能係日本台灣人。其實好多日本人去旅行都裝扮得好好」、「我家在外國，啲鬼佬去旅行都著風褸，唔係香港特權」
