事主搭飛機遇怪事：「空姐俾我張紙巾有奇怪符號」
近日，就有網民在Threads上載帖文，寫到：「空姐俾我張紙巾有奇怪符號，我有冇啲咩要擔」圖片仲見到紙巾上除了印有香港航空的logo，左上角更書寫了一些奇怪符號，令人百思不得其解。
網民爆笑回答：水有毒！
不少人網民見狀都好奇背後是否暗藏甚麼意思，紛紛留言表示：「上次我個fd用完呢張紙就過左身，聽講要玩board game解咒」、「有內奸」、「隔離位有古怪 要小心」甚至貼出《賭俠1999》「水有毒」的劇照提醒樓主要小心，亦有網民表示事主被空姐暗示「房number」、「佢想同你表白」、「其實佢自己寫咗個電話俾你 集齊8張紙巾就有齊」，不過就引起樓主反擊：「當一部分嘅人見到空姐就諗咗去性方面嘅時候，我想講其實我只係擔心佢係啲咩邪教嘢」
行內人拆解背後意思
最後，有位自稱空姐的同行就現身揭開迷底：「同行代答，佢寫47k（座位編號）應該係個客瞓咗想mark低但唔小心畀咗你」，令樓主安心表示：「終於有同行俾到解答我，而唔係話張紙重用。」
