港女轟日本6宗罪去完3次勁幻滅 見到外國人即西面
近日，就有網民在Threads發布帖文，並指出「去咗3次日本已經冇晒對日本嘅fantasy」，並由以下6大原因造成；
1. 條路勁寬但都可以特登撞埋嚟
2.搭扶手梯係要特登撞你
3.知你係外國人就西臉
4.做嘢一唔係跟流程就hang晒機咁
5.剩係識講日文 冇第二語言
隨後，事主更提醒其他網民在日本旅行千祈唔好玩電話：「除咗坐定定或者你sure係角落頭之外，千祈唔好玩電話或者睇電話，企埋一二邊睇都唔得，因為肯定有發神經嘅日本人走嚟特登撞你」而帖文引起不少網民熱議。
帖文引網民共鳴：覺得佢哋對遊客多咗好多敵意
有網民身同感受，表示在日本有類似的經歷，除了被當地人推撞，甚至聽到有日本人大聲用日文講壞話：「我八月去完都勁覺得佢哋對遊客多咗好多敵意，同埋我每一日買嘢如果買得多，去到Cashier都會被黑臉，總之暫時我對日本的最新印象都幾差」、「試過喺池袋夾公仔，部機係好矮要踎喺度玩，我好肯定我背後條路好闊好多空間兼冇人停留，突然有人踢我背脊，我擰轉頭望到個後生嘅日本男笑住口咁講『唔好意思（日文）』」、「試過唔小心撞到個日本女仔（廿歲左右）我即刻講sorry，之後全程車佢同朋友三個都不停講日本英文，有啲說話仲會令人唔舒服。」
有網民同情日本人：同日元低迷+大量外國人進入有關
不過亦有網民為日本人平反，表示一個地方總會有好人及壞人，加上文化不同才會出現上述問題：「咁只可以話總有仇人類，特別係開關後加日元低迷，大量外國人進入，破壞晒當地人既習慣」、「上年去咗六次日本都冇發生過呢啲事」、「Anyway 去玩還好，如果要起嗰到生活，就要接受晒呢個地方嘅好同唔好，無人無地方係完美」、「去下鄉下地方嘅日本，唔好局限喺大城市，就會發覺鄉下日本同城市日本人根本係兩個民族咁滯」、「日本人好少周街一路行一路玩電話，因為驚撞到人，唔係話100%無，但好少，香港就鐘意一路行一路玩，突然企係路中間，仲要唔睇人周圍撞，你就係呢類？」
最後，樓主就強調自己並非討厭日本，直言非常喜歡日本的動漫文化、季節等等，遇到日本人都會踴躍講日本，只是經歷上述幾件事，另到自己對日本沒有特別的濾鏡。
