港女1人食壽司郎$10埋單！ 入座僅8分鐘食完即走
近日，就有網民在Threads表示：「有無諗過食壽司郎可以以$10埋單？」圖片中見到一杯綠茶，以及點選一盤$12「珍寶魷魚天婦羅」壽司。折扣後，她只需支付10元。她形容，當她付款時，「職員都好愕然」。
港女食壽司郎$10埋單！ 網民：我成日都想咁做
許多網民對她的做法感到驚訝，更表示一直都想這樣做，不過就以為壽司郎設有最低消費：「我一直都好想試入去食個雪糕就走，但又唔敢」、「試過食爭鮮26蚊找數，自愧不如」、「$10有得食有得坐，好抵」、「下次試下叫一碟白碟$8」
亦有網民表示：「坐夠1個鐘，斟多幾杯綠茶，壽司郎要蝕俾你」、「壽司郎唔係正常都要$100起跳咩？」、「有時行行吓街想搵個位停低坐吓唞吓飲杯熱茶，都會去迴轉hea 20分鐘，飲吓茶食2-3碟，同去茶樓一盅兩件有種異曲同工之妙」。
樓主解釋原因：只係想填肚
該名女士解釋，當天她並不是特別餓，但為了「填肚」，才選擇進入壽司郎並迅速用餐離開。她還提到，當天她在上午11時30分左右到達店鋪，幾乎無需排隊。對於是否會因等待而放棄，她坦言「如果要等位，我唔會等」。此外，有網民分享了其他創作者的影片，其中一位男生曾挑戰「旺角8蚊午餐」，在某連鎖壽司店以極低價格快速用餐後立即離開。
