香港母女遊新加坡以為無人識聽廣東話 大聲對路人評頭品足
近日，有女網民在Threads發布一篇帖文，當中表示去新加坡旅行期間，打算在一間店鋪購買2個手袋，分別給自己及媽媽使用。女事主表示當時「手拎住兩個袋等緊Staff拎新」，突然聽到後面有對港人母女超大聲用廣東話交談：「嘩！個阿叉都試揹，男人都啱呀，唔係呀嘛！」、「阿叉掂完個袋，乾唔乾淨㗎？」、「嘩阿女！睇下前面呢個坡女一買買兩個，前世未買個袋咁⋯」
女事主慘被議論 反擊港人母女
此時，排在港人母女前面的正是女事主，因此懷疑自己便是對方口中的「坡女」，於是事主就擰轉身向母女說到：「Hello，我諗你頭先應該講緊我？」港媽立即露出愕然表情，而事主就繼續說到：「前世有冇買個袋我就唔清楚，但係我呢世就第一次買呢個牌子，買多個返香港畀我媽咪。成日斷貨㗎，你有興趣好買啦！」隨後事主形容對方「個女就即刻想扯佢阿媽走」該事件令她忍不住感嘆：「其實係咪真係咁鐘意評頭品足，唔係去咗第二個國家，就覺得嗰邊嘅人全部都唔識聽廣東話下嘛？」
網民共鳴：「香港人有時先係真正既大鄉里！」
女事主的經歷引來不少網民共鳴，紛紛表示遇到類似的事情：「試過獨遊東京食燒鳥， 本人日語口語暢順order， 隔離台3位香港人， 本身佢地傾計偏大聲， 見到我叫咗勁多串， 其中一位男士：『乜架妹咁大食架咩』我本身無理佢，食食下佢又講，我『你個胃太細唔抵得人可以享受多啲美食？』 然後佢地一直安靜冇再傾計咁食飯」、「我試過台灣上的士，講咗一大輪野（唔係壞話），跟住個司機突然間同我地講廣東話」
因此大家都認為該母女的行為非常丟架：「其實呢啲真係叫無家教，阿媽係咁所以個女都唔會好得幾多！」、「唔知道星馬好多廣東後代又睇tvb大？真係好打極有限，香港人有時先係真正既大鄉里！」、「我就是看無線電視翡翠台港劇長大的新加坡人。去香港講廣東話完全無障礙。 」、「所以我去倫敦行街都避開啲香港人，唔想俾佢哋評頭品足」
