港人被轟排隊愛「解壓縮」 1人排隊變全家插隊
最近，就有網民在Facebook群組「HK Express 香港快運及旅行資訊關注組」中，發帖文鬧爆港人去旅行的壞行為：「其實香港人去旅行一樣衰，明明沿路線排隊入，突然有人從外（面）捐帶插入」原本有3個人在自己後面，不過突然越行越前：「當佢地一開始傾計，就三個一齊行前，我已經睥住，而佢地都有人見到，我唔介意等多一陣，但老唔係大x晒……」而照片中，見到3位有點年紀的人站在樓主前方。
網民反應兩極：「對你無乜影響」VS「香港人壞習慣」
而帖文引起不少網民討論，有人認為這種做法沒有問題：「正常見佢哋一班朋友/一家人，都會由佢哋排返埋一齊」、「好過係後面排隊入口位，逐個講『唔該唔該』，咁叫成村人讓返位俾佢入去排」、「如果對方是同一個 order check-in 既，即使有人之後先到，行埋一齊好合理。」、「人地可能去廁所，轉頭返嚟」、「佢哋係咪同一booking，如果係，其實佢派一個人排，排到去佢啲同行者才過去counter，同一班人一齊排，對你無乜影響」
網民指排隊「解壓縮」行為十分討厭
不過亦有網民怒指這種「解壓縮」行為十分討厭，但是不少港人已經習以為常，出外旅行有機會造成負面印象：「香港人習慣，識得嘅或者搵人排住隊先，然後自己中間插入。日本人嘅文化唔係咁，遲嚟嘅一定要排最後，話之你前面嘅係親友排緊隊」、「香港一向都有堆自私人」、「3個人咪算好囉，最怕個啲1個人排，後面跟住成村人插埋嚟，個啲仲黑人憎」、「我試過，前面初初得一個排隊，排排下又多一個，排多陣又多幾個，最後前面有8個 （朋友嚟）」
甚至有人認為樓主都有做錯，應該要出言阻止他們的行為才對：「現場就應該出聲，做咩搞到自己未出發就chok住條氣」、「咁你嗰時唔出聲，同我哋講有咩用」。
