港人包車遊日本 坐到一半落車「失蹤」走數！
昨日（18/12）一位在日本工作的港人司機在Threads發文分享工作日常，開首已經鬧爆：「包車tour途中走佬，香港人世一，大陸人都唔會咁x街」文中講到按照行程打算去下一個景點，不過司機等了兩個小時，仍然唔見乘客身影，為此就致電公司了解：「公司話等到6點完（埋）一日Booking ，睇佢會唔會返嚟，（我）喺家庭餐廳叫咗個drink bar坐咗4個鐘，當然個x街最後冇出現，開張新sim卡book車擺到明諗住呃！」隨後港人司機鬧爆指自己搞到7點後報警，最後要加班兩小時。
走數港人早有預謀？報警都冇用！
帖文引起不少網民留言，不少人都好奇「點解唔收訂金」、「公開佢哋個樣」等等的問題，而事主就補充說到「日本行內不嬲都係做完服務，最後先收錢」因此才會出現上述事件。另外，日本公司基於私隱條例是不會隨意公開客人外貌以及個人資料，否則後果嚴重！
加上涉事客人已經失聯2日，不但使用假的電話號碼，還在WhatsApp中封鎖事主，因此報警亦沒有太大作用：「擺明呃你唔會搵到人，警察黎到連cam都無睇廢到呢」、「公司報警唔係諗住拉到，係想要報案記錄搵旅行社claim返錢」。
港人包車出事並非第一次！ 網民：香港人出曬名！
值得一提，事主原來並非第一次遇到麻煩港客，早在9月的時候就曾經在Facebook群組發文，指當時有一家四口的香港客人要求事主到機場接機，不過等候2小時仍然唔見對方身影，原來是當中有位男客人曾在日本境內自駕游超速50公里，不但被罰款更被紀錄，因此被入局管理局拒絕入境。
最後被拒入境的男士「發爛渣」，直言自己已經預約了溫泉旅館要求賠償，更叫事主幫手搞掂：「佢叫我入去禁區 話你同我搞掂佢，我洗咗咁多錢book晒啲餐廳日本有咩權唔俾我入境啊」，不過最後一家四口選擇回港向旅遊保險索償。
事件令不少網民鬧爆港客的行為：「日本好多係信字行先，但依家俾啲遊客玩到變質」、「香港人好出名！」、「同香港人行日本人果套講信用真係死得，下次起碼要比一半訂」、「辛苦你了，自己人先會呃自己人」、「香港人真係搵笨世一，攞著數攞得太盡」
