港女浸有馬溫泉後臉部流膿 花5位數睇急症
近日，就有港女在Threads上載帖文分享「經過8個小時嘅日本急症室初體驗」，當中見到自己到日本三大溫泉之一「有馬溫泉」，傳說有馬溫泉不但保濕又美肌，愛美的女士點會放過這樣的機會，因此事主就把泉水潑在臉上，結果成為惡夢的開始：「好happy咁潑埋上面，一潑『C8好乸！！！！』 嗰陣以為自己過份乾燥，而啲聖水又好x保濕咁，點知出嚟之後我就塊面紅到幽靈公主咁 ，眼底兩大個鮮紅色三角形」。
日本醫生揭驚人真相：原來係溫泉水過敏
原先事主以及是自己的皮膚太乾燥，不過幾日後面部紅腫的情況不但沒有好轉，甚至越來越嚴重：「去到琴日塊面開始腫就覺得唔對路，越等越嚴重去到後面成塊面不斷流膿，唔影上嚟了，真係好核突」由於正值日本新年所有診所放大假，因此事主就去睇急症，等了7小時後終於見到醫生以及抽血：「每隔一陣就有越嚟越老嘅醫生嚟問我病徵，以為咩疑難病症，細嘅唔識睇，要Call啲大佬嚟，我真係以為自己就嚟釘。」最後醫生得出嘅結論是「溫泉水過敏」，最後事主需要服用4種藥物，由於有國民健康保險，因此這次的醫療費用為23,340円（約1200元港幣）
網民震驚：冇諗過溫泉水會致敏！
帖文引起不少網民討論：「國民保險要病人自負三成，姐係話佢成筆數係¥77,800（約3,863元港幣）」、「睇到都覺恐怖，真係好彩冇大事，Btw1200蚊睇到都好x痛⋯⋯ 好返快啲再做過基因過敏檢測」、「完全冇諗過溫泉水會致敏」、「成日聽人講浸溫泉好，講到能醫百病咁滯，無諗過原來都有機會對溫泉水過敏」、「本身溫泉水裏面有好多硫磺，有可能係對呢樣嘢有化學敏感」
不過亦有網民表示自己有同樣對溫泉水過敏：「我都試過，最後一日去浸，一到夜晚上機對腳腫到行唔到 ，嚇到一落機即去急症，最後要喺醫院瞓咗4日先退腫」、「上次同班fd去冰島，有一個同你徵狀好似，但睇醫生搵唔到原因，依家愈諗愈似，因為第一日去咗藍湖，高濃度硫磺」
