職場老海鮮痛斥後生辭職「一遞信即hea做」
事主在討論區上以「點解而家啲後生可以咁無責任感，辭咗職就Hea做，喺office玩電話」為題，怒斥新一代的工作態度。他認為「其實呢個月公司都仲有出糧俾你，你執返啲仲跟緊嘅project，到你last date咪大家開開心心送你走。」認為未到 Last Day 的一天，都應該要好好工作。
力數3宗罪：最過分是星期六日熄手機
隨後，事主更力數後生打工仔3宗罪：
1.年輕人不再努力工作：「日日喺office 懶懶閒，嘢又唔清」
2.瘋狂玩電話：「剩係喺位度玩電話」
3.下班後失去聯絡：「一辭職就星期六日熄手機，講緊係星期五晚打過去已經冇人接聽」
事主認為他們應該負責將手頭的項目整理好，讓人順利接手，直斥他們「如果你真係唔想做不如你俾返代通知金公司，咪有得即走囉辭咗職就Hea做，喺office玩電話」，如果這些員工真的不想工作，不妨支付代通知金給公司，這樣就可以立即離開。
網民嬲爆圍剿
這篇文章引起了廣泛的討論和爭議，不少網民對作者的言論表示不滿，直指他有問題：「如果公司真係唔想見到我係度Hea，不如公司俾返代通知金我，我咪即刻消失囉」、「Sorry 我未辭職都係hea 做，喺office 玩電話」、「唔做梗係玩野，而家唔玩就是傻」、「幫公司做咁好有咩用」
也有部分網民同意說法，認為「而家啲後生多數都無咩責任感」，也有網民覺得「責任感係跟嗰個人，唔使上嚟開Po講」、「呢啲人個個世代都有，到世界末日嗰一刻都仲會有幾個喺附近」，認為不負責任的人到處都是，不必針對年輕人。
