無賴家長霸付費座位 苦主無奈調位
早前（15/7）有網民發布帖文公開上述事件後，疑似當事人就現身留下評論，當中寫道：「我哋係受害者，最後冇堅持係因為唔想耽誤其他乘客嘅時間，驚延遲班機，同埋嗰兩個已經唔係好細嘅小朋友，已經係中學生」又透露涉事的媽媽態度非常差，向他們直言：「個位媽媽同佢老公講『唔好諗住郁佢哋，佢哋一定唔會讓』」引起不少網民討論。
香港快運回應事件 指有調位獲乘客同意
隔日（16/7）香港快運（HK Express，UO）就事件回覆傳媒，表示因機型轉換導致座位改變，令到一行4人家庭原先預定的座位變成緊急出口座位排，而根據規定兩位未成年的乘客不能坐在緊急出口座位排，並表示調位時已經得到另一排四位乘客的同意後，當中兩位為已付費自選座位的乘客。
苦主現身怒轟：「UO講大話」
不過相關的報導出街後，疑似事主本人再度回應，直指「UO講大話」，她表示「由頭到尾我哋冇人協商過，check-in嗰陣時係一樣嘅座位號碼，去到Boarding嗰陣時被通知攔截轉位」又指「由頭到尾都沒有和一家四口說過任何一句說話，一直只找UO的地勤協商」隨後有質疑既然未成年人不能坐在緊急出口座位排，為何不能與他們的父母調換，反而硬性讓他們調位，為此會追究到底。
網民反應
事件的發展令不少網民議論紛紛：「其實最好UO搵曬苦主，家庭嗰四個人，三個party，全部人出嚟對質，咁自然水落石出！」、「下次搭飛機，大家要鬥早排隊登機揾位坐」、「我諗本身只係諗住郁兩個細嘅，但係老母話本身都買左位成家一齊坐，要調就一齊調，先會郁埋兩個當事人。」、「比咗錢就要一齊坐呢個邏輯係咪onX㗎，搭公共交通工具實有連位比你㗎？更何況而家講緊係劃位，呢4條onX咁X有道理就死去坐其他航空公司買經濟去霸頭等」、「其實講咗咁耐苦主已經出咗嚟，但係嗰個X街怪獸家長仲未走出嚟講兩句」
涉事4人家庭突然打破沉默 現身解畫
不過涉事的4人家庭突然打破沉默。近日向傳媒澄清當日發生的事情。指一家人在上機前，因為HK Express轉換機型的緣故，因此被要求更改座位，並由最先購買的4連座位第30行A至D座位，變為緊急出口座位排，由於未成年的乘客不能坐在緊急出口座位，因此一家四口再次齊齊調位並領取新的登機證，又強調新的登機證在登機前已獲得，不存在「機上搶位」的說法。
事主表示沒有想過事情會有如此發展，又指出事發當下有人願意向她說明時間，會樂意畀返個位佢，最後表示被冠上怪獸家長之名感到無奈，更指責網上流傳事主一家在機上的相片，對子女造成負面情緒，因此會保留追究權利。