中秋節正日點解唔係紅日？ 網民：「預你玩得夜，第二日就放假」
中秋節正日不是紅日，翌日才放假，原因為何？Facebook專頁「港識多史｜香港歷史社會研究社」曾接受媒體訪問時指，「於1962年港英政府根據『國際勞工公約』制定工廠假期，當時訂立工廠工人或月薪700元以下的非勞動工人，享有每年6日的法定有薪假期，當中包括農曆年初一、農曆除夕/年初二、清明節、端午節、中秋節、冬至或元旦。」即是話，中秋節正日本為假期，但後來因六七暴動關係，港英政府因為擔心再次發生同類事件，加上得悉當時大多數人都會在晚上才慶祝中秋節，因而在1968年為《僱傭條例》作出修定，把中秋節放正日的假期改為翌日放，讓華人可於中秋節當晚與家人朋友一同賞月慶祝，而第二日就能得以休息。
另外，亦有人指坊間有一個流傳，指傳統慶祝中秋節的儀式繁複，「又要拜神，又要將月餅、點心、水果等等物品供奉月娘。之後仲要等到半夜供奉完，小朋友先可以食嘢，所以通常中秋節嗰晚大家都會搞到好夜，小朋友都夜瞓，如果第二日唔放假，小朋友返學會好辛苦，所以就體諒大家第二日先放假」。
