每次去旅行，都一定要帶手信返屋企。同朋友去澳門玩轉周末，買咩 澳門手信 好呢？以下為大家介紹澳門經典靚餅、糕點，用Visa 卡仲有折！
圖片來源：澳門英記餅家 、soo-sean.blogspot.com
01 | 失傳潮州小食 全澳唯一冷糕店
冷糕係六、七十年代嘅流行潮州特色小食，但係因為製作工序複雜，所以已經愈來愈少人會整。冷糕嘅讀音比較特別，同潮州「打冷」個「冷」字讀音相同，果然係來自潮州，連讀音都零舍「潮」。冷糕食落外脆內軟，有少少似雞蛋仔，但係就更加煙韌，加埋花生碎、砂糖等，又有少少似格仔餅。新鮮熱辣嘅冷糕，外層直頭脆到好似薯片咁，不過凍咗之後就會開始變韌，所以大家記得趁熱食喇！
吳廷記
地址：澳門下環下環街15號地舖
電話：(+853) 2856 5393
營業時間：星期一至日9:00am-5:30pm
02 | 百年餅家手信
講起澳門手信，唔識揀的話，米芝蓮已經幫你揀咗！晃記餅家不設試食，推介肉切酥、杏仁餅和金桃酥！
03 | 必買傳統敬老靚餅
澳門英記餅家為澳門最老牌餅家之一。用獨特製餅技藝捍衛地道風味逾八十年，好味之餘包裝精巧、服務勁細心。除咗最出名嘅原粒杏仁餅係餅家招牌之外，黑芝麻炒米餅亦為帶回家嘅地道 澳門手信 不二之選！
至抵小提示：
依家用 Visa 卡去澳門英記餅家購物可享 9 折優惠！
