奶昔都唔夠傳神，叫佢 Freakshakes ！奶昔由澳洲「成魔」，去年於坎培拉首創旋即熱爆全球，大批粉絲為一試排足 2 個鐘。 Freakshakes 將邪惡甜吃集結一身，如蛋糕、花生醬、gummy bears……看上去古靈精怪。
撰文：茵 | 圖片：Tommy | 原文刊於 880期《新假期》
查實香港都開始見到 Freakshakes 蹤影，但論創意、論章法，澳門餐廳「聚點」新推出嘅3款口味正得多，分別是Oreo、草莓、聰明豆，每款都mix & match到夾一夾。
記者我首選Oreo，奶昔裡一粒粒曲奇碎，加上不定期款式自家製招牌蛋糕，及畫龍點睛的爆炸糖，又rich又特別！我和攝影師兩人先可以將杯奶昔清底，一杯HK$78 實在抵，咁靚更可俘虜like數！
自暴自棄級別：谷爆熱量！
左： 十多粒新鮮草莓奶昔、朱古力cupcakes、法式曲奇、花占餅
中： Oreo奶昔、草莓香蕉蛋糕、爆炸糖
右： 聰明豆奶昔、朱古力cupcakes
Freakshakes 暫定供應至 8 月尾，餐廳另有Nachos、熱狗、漢堡等澳式美食。
店主 Nicole去年去澳洲旅行，試過發源地坎培拉的 Freakshakes ，立即不能自拔，決定引入餐廳。但調一調口味後，已經冇咁甜喇！
LAX Cafe 聚點
地址：氹仔花城區布拉干薩街 120 號至尊花城1座地下
平均消費：MOP100
營業時間：9:00am-9:30pm
交通：氹仔客運碼頭乘的士約 10 分鐘
下一頁： 假日好去處|澳門限定|靚景下午茶
延伸閱讀：
澳門小丸子學園祭 10 個必影位 必買萌爆葡國雞小丸子
其實 澳門 不止得賭博 | 去 澳門 探索新景點
前往澳門有哪些交通方法？
可以選擇金巴或港澳快線或金光飛航及噴射飛航。到達澳門後，則可坐輕軌氹仔線，途經碼頭、機場、多間酒店及主要旅遊區，澳門自由行時交通更加方便！而澳門酒店由設計到設施都非常出色。
有什麼澳門好去處？
澳門有不少新設施及全新好去處，其中澳門賭場、必去景點及食買玩介紹，玩轉澳門！然而，澳門美食眾多，除了豬扒包，也可到各大酒店享用自助餐及打卡必去的陽台Cafe當半日文青。
