老佛爺親自操刀 奢華設計融合中西文化打造新潮酒店
老佛爺Karl Lagerfeld一向被喻為時尚界嘅傳奇人物，憑着其獨特品味及美學打造出一件一件經典作品。而全新開幕嘅5星級奢華酒店「THE KARL LAGERFELD」就由Karl Lagerfeld親自設計，由室內設計、傢具佈置、掛畫擺設等等每個細節都由佢精心構思，酒店整體設計結合中西文化元素，進入酒店大堂已能感受到其大膽前衛風格，別樹一格嘅設計完全㒹覆傳統酒店設計，定會令大家大開眼界！
THE KARL LAGERFELD提供271間客房及套房，一共設有6款房間類型任大家選擇，無論係同另一半、閨密又或者係一家人去都能夠滿足到唔同需要；而不論係「經典客房」、「豪華客房」、「時尚套房」、「傳奇客房」、「經典套房」及「卡爾套房」，所有設計同細節都由老佛爺親自構思同挑選，帶大家進入老佛爺打造嘅妙想世界，享受非凡嘅住宿體驗。
別樹一格餐廳裝潢 全方位享受環球美食
有靚環境，又點少得有埋美食相伴呢～大家可以於「味賞」品嚐到正宗與新派葡國菜，而餐廳內嘅裝潢同樣由老佛爺親自設計，以眩目前衛格融合合東方元素，處處都可以欣賞到Karl Lagerfeld獨特品味，尤其餐廳大堂天花特別設置LED屏幕，仿如連接老佛爺巴黎工作室嘅天窗，邊品嚐美食邊將絢麗景色盡收眼底，絕對係人生一大樂事！而「味賞」內嘅酒吧亦以中式鳥籠為靈感打造出高雅型格嘅設計，等大家可以於充滿格調嘅環境下品嚐由專業調酒師調配嘅特色雞尾酒，享受放鬆嘅微醺時光。
而「博覽廊」則以Karl Lagerfeld巴黎私人大宅嘅圖書館為靈感，以數千本圖書打造出震撼嘅書海，打卡一流！餐廳提供多款鹹甜皆備嘅環球美食，可口三文治、法式糕點、招牌KL法式泡芙應有盡有，精緻下午茶最適合與閨密談心享用，同時感受法式茶室獨有嘅浪漫優雅氣息。
齊集水療中心、健身室、泳池 邊欣賞藝術邊放鬆身心
品嚐完環球美食、飲飽食醉過後，最好就梗係去歎個Spa，令自己身心得到全面嘅放鬆啦～THE KARL LAGERFELD水療中心嘅裝潢有別於傳統水療中心，突破性採用黑金色為主調，更顯高貴華麗感，更獨家率先引入英國頂級醫學美容品牌111SKIN，以高級美容護理療程為身體及面部充電，瞬間為疲憊嘅身心注入能量、回復活力。
充滿摩登風格嘅健身室亦設置先進運動設備，大家更可以預約駐場健身教練進行一對一私人訓練，咁就可以時刻保持完美身型，喺酒店瘋狂品嚐美食都唔怕身材會走樣啦！而酒店亦設有四季恆溫嘅室內泳池，優美歐陸設計令人仿如置身於歐洲，大家可以暫時忘卻日常繁囂，享受寫意休閒時光。
「THE KARL LAGERFELD」 — 澳門上葡京綜合度假村
地址：澳門路氹射擊路
詳情：https://www.sjmresorts.com/tc
(Presented by THE KARL LAGERFELD)
