澳門 巴黎人 剛於上星期開幕，之前我已經率先直擊酒店內浮誇位、酒店房，今次終於有得試個自助早餐喇！酒店套票多數包埋Le Buffet自助早餐或午餐，法國咖啡廳裝潢非常吸引，更可望著鐵塔食早餐，有圖有真相，眼睛盛宴on show！

採訪：Venus


　攝影：Mark

Le Buffet自助早餐

記者試食點評

嘩！餐廳靚到喊，極有法式情懷，只係個裝潢都值回票價。貼士，行到最入窗口位可以見到鐵塔加淡綠拱廊，不過座位數量唔多，早餐6:30am就開放，大家早點去霸位啦！其實我真係好鍾意食早餐，自助美食當然有中、西、日、印美食，除了最愛的蛋和炒蛋，今次竟然有可愛冬甩，太邪惡！我就覺得質素好過集團旗下同價位的Holiday Inn 酒店自助餐。又靚又好味，就算你搵嗰個套票唔包早餐，畀MOP208（另收加一）食都抵。

環境：★★★★★
食物：★★★★☆
價錢：★★★☆☆

 

$1,398起 巴黎人開幕優惠

入住預訂日期：即日至明年2月28日
住宿： 巴黎人雙人豪華大床客房（包早餐或午餐兩份、鐵塔觀景台7樓入場券或THRILLER LIVE C區門票兩張、
限量版開幕禮物兩份）
交通：由氹仔客運碼頭乘接駁巴士前往酒店約12分鐘
查詢：www.parisianmacao.com


前往澳門有哪些交通方法？

可以選以金巴或港澳快線或金光飛航及噴射飛航，即睇澳門交通2023懶人包。到達澳門後，則可坐輕軌氹仔線，途經碼頭、機場、多間酒店及主要旅遊區，澳門自由行時交通更加方便！即刻了解一下車站地點及列車設計等資訊。而澳門酒店由設計到設施都非常出色，GOtrip編輯整合澳門近年新開酒店情報，大家可Bookmark定，即睇：澳門酒店推介。

有什麼澳門好去處？

澳門有不少新設施及全新好去處，其中澳門賭場、必去景點及食買玩介紹，玩轉澳門！然而，澳門美食眾多，除了豬扒包，也可到各大酒店享用自助餐及打卡必去的陽台Cafe當半日文青。