JR山手線新站名稱出爐！日本網友心累：絕望級老土

在入境日本前，建議 先用Visit Japan Web完成一部分檢疫手續 ，便能更快速地入境日本， 即睇使用教學 ，例如註冊步驟及同行家人如何填寫等，以及買定 日本電話卡 。

東京自由行 丨 大阪自由行 丨 福岡自由行 丨 四國自由行 丨 靜岡自由行 丨 沖繩自由行 丨 大阪新Outlet 以及 北海道自由行

【JR山手線】東京常搭之一嘅鐵路，JR山手線早前已著手於品川同田町之間興建新站，預計於2020年春季開業嘅新站，喺昨日公布咗新站正式名稱。公布後，隨即引來日本Twitter網民熱論，好多網友對新站名稱表示「好老土」、「偏偏採用最冇sense嘅選項」，一齊睇睇站名有幾「特別」！

撰文：C｜圖片：Twitter、新聞片段截圖

JR山手線新站名稱出爐！

JR山手線第30個站，預定於2020年春天開業嘅，位於田町同品川之間嘅新站，正式名稱定為「高輪Gateway」。JR東日本由2018年6月5日至30日進行新站名公開招募，不足一個月間，便有64,052份應募，有成13,228種站名提案。

招募嘅投票結果第1位為「高輪」、第2位為「芝浦」、第3位為「芝濱」，但採用嘅則係第130位，只有36人投票嘅「高輪Gateway」。

JR東日本嘅社長解釋話想「將有歷史意義嘅，高輪呢個地名加到站名中」、「係東京嘅重要據點」，因此採用「高輪Gateway」作為名稱。

有網民表示，如果係萬人接納嘅決定，咁應募排名就唔成問題。問題在於揀個咁低排名嘅選擇，挑選過程同理由都不明確，如果冇尊重結果嘅心情，咁就應該從一開始便由鐵路公司自行決定，搞公開投票根本毫無意義。

@chon_math：「高輪Gateway」打亂咗成條線嘅平衡感。

やっぱり高輪ゲートウェイ、調和を乱している… pic.twitter.com/BAlOYF0f7D

— みと (@chon_math) December 4, 2018

@_Shark_Eye：採用咁冇品味嘅名稱，好難令人唔擔心平成之後嘅元號會叫咩⋯⋯

@motoyawata__bot：雖然「高輪Gateway」站係熱論，但我哋不如一齊睇睇千葉縣嘅車站名。

高輪ゲートウェイ駅が話題ですが、ここで千葉県の駅を見てみましょう pic.twitter.com/aqsmONYCbl

— 本八幡bot🍧 (@motoyawata__bot) December 4, 2018

@mokumokumokuma：雖然「高輪Gateway」引來好大回響，但我覺得呢個表嘅「田端Nothing」都唔錯吖（笑）！

最新的日本入境要求詳情？

在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。

去日本有什麼好去處及景點推介？