撰文：f｜相片：Getty Images、Joana
Hello Kitty新幹線搭乘貼士
編輯部訪問了一位Hello Kitty超級fans Joana，她於通車翌日7月1日就衝去試坐Hello Kitty新幹線，並總結出以下乘搭貼士！
貼士01｜預早入場影車身
Hello Kitty新幹線行駛新大阪至博多，每日對開一班，網上有詳盡開車、到站時間，作為fans的Joana早半個鐘就入閘，點知勁多電車男覇晒月台上靚位等火車入站！
車身有齊各縣Kitty嘜頭
Hello Kitty新幹線列車車身，除了粉紅色絲帶貫連，仲有關西至福岡之間各個縣的特色Kitty，例如大阪Kitty會攞住章魚丸，福岡就攞住士多啤梨，Joana話列車埋站後好忙碌，要由頭至尾走一趟，先可以上車！
Joana：「列車未入站時，千祈唔好企喺月台邊呆等，因為月台小店有不少為新幹線推出的產品，除了趁火車埋站16分鐘的清潔時間由車頭走到車尾影一轉車身，仲要影埋車門掛上的『清掃中』掛牌，所以記得提早入場！」
貼士02｜即場買自由席車票都得
Joana表示，出發前上網預訂了指定席車票，希望確保有得上車，但其實唔需要！「我的指定席位置在第4卡列車，但Kitty布置很少，原來主要布置都在第1-2卡，於是把心一橫走去車頭，果然第1-2卡車廂迫滿了fans瘋狂影相！」
建議如果去開大阪旅行，又想試下搭短途Hello Kitty新幹線的話，可以在車站即場購買新幹線的自由席車票，排隊上第2卡影相，再去第1卡商店買紀念品。
貼士03｜半小時車程唔夠喉
Joana買了由新大阪往姬路的車票，乘車時間約半小時左右，但她表示時間唔多足夠。「單是頭兩卡車廂已經有好多Kitty布置和影相位，專程來影相的乘客又多，每個位都要輪住影相，之後又要排隊買手信，影得興奮之際，一抬頭，原來已經到咗姬路，要下車了！」
不過，作為Kitty鐵粉的Joana表示，車上的精品唔算豐富，她只購入了文件夾、鉛芯筆和扭蛋，貨架上的貨品主要是關西各縣的特產，未必有Hello Kitty個嘜頭。
Kitty新幹線mt膠紙帶是搶手精品之一！
Joana的入手精品：膠文件夾、鉛芯筆、扭蛋和紀念小冊子。
落埋博多 幫襯Kitty Cafe
假如時間許可，可以由大阪直落博多，去埋6月初已開店的Hello Kitty Shinkansen Cafe。Cafe位於車站閘內位置，行過少少仲有Hello Kitty Marche專賣精品。如果打算即日來回大阪福岡，建議買7日用JR West的「山陽&山陰地區鐵路周遊券」JR Pass，因為一程新大阪至博多就要14,480円，用JR Pass玩足7日關西至山陰、山陽地區才19,000円！
Hello Kitty新幹線行駛日程
遊大阪可以買來回岡山或新倉敷的車票，可以坐車1小時，應該夠影相㗎喇！或者購買5天任用的「關西廣域鐵路周遊券」JR Pass，9,000円玩埋其他關西廣域地區，最抵玩！
以下是Hello Kitty新幹線7-9月的行駛日，留意7月18-20日、8月8-10日，列車都不行駛，10月後的運行情況有待公布。
Hello Kitty新幹線時間表
新大阪->博多
博多->新大阪
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
大阪有什麼好去處及景點推介？
大阪自由行必去這些景點，當中包括USJ大阪環球影城，即睇USJ門票及交通攻略。然而，去旅行怎可忽視美食部分？必到這些人氣美食餐廳，當中更有蟹宴放題、平價米芝蓮餐廳之選。另外，不得不到溫泉旅館/按摩店、溫泉主題樂園、全新門真大型三井Outlet商場及臨空城OUTLET。準備到日本賞櫻花的大家，可預先一看日本櫻花花期預測。
