【期間限定！】2018白川鄉點燈全攻略

1. 合掌村點燈日期

圖片來源｜Fotolia

合掌村已經公布咗2018點燈日期，諗住去體驗下合掌村點燈靚景嘅，一定唔可以忘記呢啲日子～

• 第一回：1/21（日）
• 第二回：1/28（日）
• 第三回：2/4（日）
• 第四回：2/12（一）

總共有四次，全部都喺星期日同一，時間固定喺5:30pm-7:30pm。

2. 合掌村點去？

圖片來源｜Fotolia

【昇龍道高速巴士】

通常大家都會由名古屋出發去合掌村，而昇龍道票券就係大家最常用嘅交通券，入面包含咗好多可以搭嘅巴士路線，除咗合掌村之外，呢張交通券仲可以去埋其他地區㗎！有張昇龍道高速巴士周遊券喺手，日本中部交通都即刻輕鬆上手！

• 出發地：日本中部機場、名古屋、高山
• 目的地：名古屋、高山、金澤、白川、松本等地
• 票券種類：三日券、五日券
• 使用方式：憑通票可以喺指定日期內任意乘搭高速巴士

另外三日券同五日券都有啲一定要預約咗先搭得嘅路線，KKday喺度幫大家整理埋～

基本上去白川鄉最常用嘅巴士就係濃飛巴士，經常會有人由高山、金澤去白川鄉，如果用KKday訂飛仲可以用最優惠價金錢訂到！

至於前往白川鄉高速巴士嘅路線查詢，大家可以參考以下官網：
▶︎濃飛巴士官網
▶︎加越能巴士官網
▶︎岐阜巴士官網

【濃飛點燈巴士】

另外，以下係2018年濃飛巴士針對點燈開放嘅巴士費用，大家可以參考埋～

• 高山出發：成人 5,000円，兒童2,500円
• 下呂出發：成人 6,000円，兒童3,000円
• 行程： 下呂→ 高山 → 白川鄉夜間點燈→ 高山→ 下呂
• 票券包含：往返巴士座位、合掌村民家園門票
• 預約辦法：一個月前開始受理預約，只接受電話預約～
• 詳細資料可以參考：濃飛點燈巴士官網

以上嘅兩種方式適合想當日來回，或是冇打算住喺合掌村嘅人～如果唔識日文但都仲係想去合掌村，亦都可以參考以下兩種方法，而且保證有位㗎！

▶︎保證有位！2018合掌村點燈、溫泉泡湯二日遊（大阪出發）
▶︎保證有位！2018合掌村點燈、兼六園、飛驒高山二日遊（名古屋出發）

3. 唔識日文點book房？

圖片來源｜Fotolia

喺合掌村嘅民宿多數由日本嘅長者經營，所以基本上都剩係識日文，而訂購方式亦都多數用電話、傳真或者e-mail，呢個時候如果唔識日文又冇日本朋友可以幫手，咁應該要點先可以喺合掌村留宿呢？

呢度有兩種方法可以提供畀大家參考：

＃信用卡白金秘書

如果你張信用卡係白金卡level，咁你可以睇下你有冇「信用卡白金秘書」呢個服務，如果有，咁你就可以打電話畀你嘅發卡銀行，或者打畀信用卡機構（Visa、Master Card等），之後就可以請專人幫你代為訂房！

＃白川鄉觀光協會

如果上述嘅方法你用唔到，咁你都可以選擇搵白川鄉觀光協會代為訂房。雖然佢哋都係用日文嘅操作介面，但相對嚟講就方便好多，亦都唔使用日文打電話溝通～

你可以照以下步驟book房：

【Step 1】

揀「宿泊設施」就可以睇到合掌村嘅住房資訊。

【Step 2】

撳到入去，你可以揀自己想住嘅地方，睇到更多同更詳盡的住宿資訊。

【Step 3】

揀好自己想要嘅住宿之後，返去左邊欄拉落去，就可以見到「お問合せ」，撳落去就會見到查詢表格。

【Step 4】

填完份form之後，白川鄉觀光協會就會幫你查詢住宿嘅問題，並且會以英文e-mail畀答覆你。小編就建議大家可以喺詢問內容嘅地方填多幾間住宿，咁遇到想訂嘅民宿已經爆額嘅情況時，觀光協會嘅人就可以直接幫你問埋其他民宿。另外，如果可以訂，都要再次回信答覆番係咪要確認預訂。

留意番，第二欄係要填寫中文轉換後嘅日文拼音㗎！如果大家都係覺得用觀光協會訂民宿麻煩，咁你都可以考慮「大田屋」，呢間民宿有提供英文嘅訂房服務！

▶︎ 官網：白川鄉觀光協會

4. 注意事項

圖片來源｜Fotolia

＃2018新規定：展望台要搭接駁巴前往
今年合掌村加入咗新規定，基於安全考量，將會限制前往展望台嘅人數，所以，如果你喺點燈期間要去展望台，就要搭接駁巴士去，並且需要整理券先可以入場。整理券販售會以當日入住白川鄉民宿嘅人優先，到時出示訂房資訊就可以～

▶︎整理券販售場所：JA駐車場
▶︎販賣時間：4:00pm～售完為止
▶︎金額：500円
▶︎接駁巴士相關資訊

＃點燈期間，僅有經許可的車子可進入合掌村
需要注意嘅係，為咗控管人數，合掌村喺點燈期間規定只有經許可嘅巴士先可以入去，如果怕語言不通預約唔到巴士，亦都可以考慮參加KKday提供嘅合掌村二日遊，KKday行程係保證入場㗎！

＃ 部分巴士班次會採取預約制
因為白川鄉夜間點燈舉辦日可能會適逢公車「高山―白川鄉線」運行日，所以交通可能會變得擠塞，部分嘅班次運行時會改變搭乘方式，即係平時唔使預約嘅班次會改用預約制，而詳細資訊就以官網公布為準，所以小編建議大家出發前，事要先查詢各大高速巴士嘅官網～
▶︎濃飛巴士官網
▶︎加越能巴士官網
▶︎岐阜巴士官網

＃訂房需要提早訂購
基本上白川鄉嘅民宿預約會由10月份開始開放，部分就由11、12 月份開始。如果已經確定要去，最好一早做定功課，一開賣就唔好等，以免錯過時機呀！

＃相機、手機要預足電

因為合掌村天氣比較凍，會導致手機或者相機電池消耗得比較快，所以出發前一定要充滿電，或者帶埋隨身充電器，以防冇電嘅時候可以用到。

＃電筒、遮、防滑靴
因為係夜間點燈，所以會喺比較暗嘅路上行，開住電筒相對嚟講係比較安全嘅方式；另外可能會遇到落大雪嘅情況，所以亦都最好帶埋遮，咁就唔驚會淋濕而冷親。另外路面濕滑嘅關係，亦都比較建議著防滑嘅靴，咁就可以避免跌親之類嘅意外。

＃晚上超冷
去到合掌村，羽絨外套、頸巾、冷衫、手套、帽，任何可以保暖嘅嘢都唔好漏低呀！！下晝嘅氣溫已經好低，夜晚睇點燈時只會更凍！而且積雪好厚，建議著容易活動、輕便嘅衣物。

＃唔係每個地方都可以set腳架
最後要注意嘅地方係，想影靚相嘅人，唔係每個地方都可以set腳架㗎！山坡地因為積雪同地勢嘅關係，set腳架係好危險嘅事，通常合掌村會設立一個可以set腳架嘅空間，但多數都要好早就開始排隊、霸位。

以上就係KKday為大家整合嘅合掌村點燈攻略，祝大家都可以成功咁欣賞到呢個又壯觀又浪漫嘅點燈靚景啦！

已經準備好去白川鄉睇點燈？你一定會需要：
▶︎【名古屋北陸交通】昇龍道高速巴士3日/5日周遊券！
▶︎保證有位！2018合掌村點燈、溫泉泡湯二日遊（大阪出發）
▶︎保證有位！2018合掌村點燈、兼六園、飛驒高山二日遊（名古屋出發）

要去日本過冬天？不如睇埋：
▶︎【冬遊日本】新手必睇滑雪懶人包
▶︎【玩轉日本】溫泉勝地全攻略

▲認識KKday▲
想挑選心水行程又怕浪費時間比較？KKday 作為亞洲最大旅遊體驗平台，網絡橫跨全球 80 個國家、500 個城市，為你搜羅超過 10,000 種特色行程體驗。只需安坐家中，就能訂購世界各地具品質保證、價格實惠的旅遊產品，助你輕鬆自主行程，創造獨一無二的旅遊體驗。

▲前往 KKday 網站，訂購心水行程！
▲訂閱 KKday電子報，獲取更多旅遊優惠！

免責聲明： GOtrip.hk 只提供平台予博客刊出資訊或內容，不聲明或保證其內容之正確性或可靠性；並且，對於你透過「服務」上之廣告、資訊或要約而展示、購買或取得之任何產品、資訊或資料(「產品」)， 本集團旗下網站亦不負上品質保證之責任。你於此接受並承認信賴任何「資料」所生之風險，應自行承擔。本網站將不負責一切因資訊、內容或服務所生之任何直接、間接、附帶的或因此而導致之衍生性損失。