撰文：Yung ｜圖片：有關機構
〖服裝類福袋〗
01 | Dazzlin－甜美風少女服裝品牌
走日本甜美風嘅少女品牌Dazzlin推出售價￥10,800(約HK$739)嘅福袋，內含外套、one-piece等5樣商品。尺寸有S、M可選。福袋可於網上先行預約，詳請按此
02 | Emsexcite－平價掃甜美風外套
同樣走甜美風嘅少女品牌Emsexcite，推出售價分別為￥5,400(約HK$370)及￥7,560(約HK$518)兩種 福袋。兩種 福袋內都有外套一件，福袋可於網上預約，詳情按此。
03 | MERCURYDUO－優雅女性服裝品牌
走優雅淑女風的MERCURYDUO 則推出內有5件商品嘅 福袋，當中包括2選1外套、1條裙、針織衫等等。福袋可於網上預約，詳情按此
04 | INGNI－輕淑女女性服裝品牌
為保持神秘感，女裝品牌INGNI每年推出嘅 福袋都唔會事先公布內容，但都超受歡迎！可以話係「福神」。今年INGNI推出兩種福袋，分別內含7件及15件商品。福袋可於網上預約，詳情按此
05 | SLY－甜美個性風女裝品牌
福袋內容同樣保持神秘嘅仲有以外套N3B聞名嘅SLY。SLY福袋內有7-13件物品，售價約HK$739。福袋可於網上預約，詳情按此
06 | Uugrid－沉實風女性服裝品牌
走沉實風格服嘅Uugrid 推出共含5件商品，售價為￥16,200(約HK$1,109)嘅福袋。福袋內有1件外套。福袋可於Ungrid官網預購。
07 | My Melody 福袋－著住Melody瞓
各位My Melody 迷注意！My Melody日本方面推出內含兩套My Melody印花圖案睡衣福袋。福袋本身亦為My Melody造型，可愛爆燈！可於網上先行預約或到門店購買，詳情按此
08 | Samantha Thavasa －可愛系手袋品牌
手袋品牌Samantha Thavasa推出嘅 福袋只需￥1,000(約HK$69)，就可以擁有原價要兩萬幾日圓嘅皮夾搭配票卡夾、鑰匙包或吊飾。福袋可於網上先行預約，詳情按此。注意！須登記成為網上會員，福袋於門市亦有售。
〖精品類福袋〗
介紹完女裝 福袋，以下就為大家精選精品類 福袋。
09 | Starbucks－平價買隨行杯
Starbucks 福袋有兩種，售價分別為￥3,500(約HK$240)和￥6,000(約HK$410)。內含隨行杯、咖啡豆、咖啡兌換券、記事本或明信片等等；大 福袋則多了咖啡用具、杯蓋、玻璃杯等等。而Starbucks福袋本身為環保袋，可以再用，包裝得實用又有心思。福袋可到門市購買。
10 | 無印良品－超抵價買文具雜貨
提到日本牌子，一定唔少得深受港人歡迎嘅無印良品。無印推出嘅 福袋分為文具(￥1,000)(約HK$69)、化妝品(￥2,000)(約HK$137）、 寢具(￥5,000)(約HK$343)、婦人服與紳士服(￥3,000、5,000)(約HK$206、HK$343)四種。
除了福袋，無印亦有推出福罐。罐內會隨機放入文具、日本四國和九州地區嘅吉祥物，及價值為當年年份(￥2,017)折價券等，可謂集玩味、實用於一身。福袋及福罐可到門市購買。
11 | Disney－一袋盡掃卡娃兒精品
日本Disney產品一向精美，深受各地女孩歡迎。其推出 嘅福袋亦唔例外，售價為￥3,000(約HK$206)，內含禮品券、Tsum Tsum中型公仔一隻、馬克杯(Mickey Mouse、Minnie Mouse 或 Winnie the Pool)、等10樣精品。福袋可於官網購買，1月2日到日本迪士尼專賣店交收。
12 | Francfranc－高級家品品牌
高價位家品店Francfranc推出嘅福袋有3種，售價分別為￥3,000(約HK$206)、￥5,000(約HK$342)及￥10,000(約HK$685)，其中￥3,000為門市限定福袋款。
福袋內容主要有毛巾、抱枕、餐具等生活用品及禮券。
13 | Afternoon Tea－時尚家品品牌
除咗Francfranc，另一家居用品品牌Afternoon Tea亦推出優惠福袋。分分鐘￥5,000(約HK$342)就可以將成套餐具帶返屋企！福袋可於官網預購！
除咗服裝同精品牌子，日本餐廳亦有推出福袋。
14 | MOS BURGER－吃貨必搶coupon
快餐店MOS BURGER推出售價￥2,200(約HK$151)福袋。商品有杯子、瓶子、便當盒以及面值已等同福袋售價嘅現金券。要注意嘅係現金券只可以喺券上指明嘅幾間店舖使用。福袋於12月26日開始在門市發售。
15 | mister Donut－史諾比聯乘矚目
mister Donut今年同史諾比合作推出兩款福袋，其中一款售價為￥1,080(約HK$74)，有10個甜甜圈、史諾比環保袋、月曆及神秘禮物！另一款售價為￥2,160(約HK$148)，比小福袋多10個甜甜圈、鑰匙圈與保鮮盒。福袋可到門市購買。
