撰文：Kay｜圖片：ドンキホーテ、LIPS｜編輯：J
驚安之殿堂必買人氣商品一覽
驚安之殿堂必買｜化妝品篇
#01 Dolly Angel Eyeshadow Palette
驚安之殿堂限定商品！日本網友表示意外地好顯色，而且塗上眼後嘅顏色好靚！
#02 Angel Heart胭脂
同樣係驚安之殿堂限定商品！六角形立體設計非常可愛，而且仲附有柔滑馬毛掃同細鏡，質感幼細容易上色。
#03 MAJOLICA MAJORCA Wonder Fixer 定妝噴霧
都係驚安之殿堂限定商品，而且係超熱賣款！網友話，用後感唔係唔甩妝咁簡單，而係戴埋口罩，個妝都完全唔會黏落去！喺日本Twitter上造成話題嘅好用產品。
#04 Tiara Girl Eye Color Palette
話題32色眼影盤，塗上眼後，顏色超顯、超靚，顏色豐富之餘，仲好貼服。
#05 LABIOTTE 陀錶型氣墊粉底
除咗粉底之外，同款設計嘅化妝品仲有眼影盒同胭脂。品牌標榜產品持久力強，唔易甩妝，日本妹就話只係見到個package就已經忍唔到手！
#06 LABIOTTE Flomance Lip Color Shine
玫瑰造型嘅唇彩，只係外型已經令女生忍唔住想拎上手！日本網友試用後亦指，唔止外形可愛，而且唔太甩色，非常推薦！
驚安之殿堂必買｜家電篇
#01 TESCOM大風量風筒
TESCOM同驚安之殿堂共同開發嘅產品，機能中最亮眼嘅係同時放出正、負離子，可有效抑制靜電產生。而且有保護髮線嘅功能，即使風量較大，都唔怕會令頭髮受傷。喺日本係超受注目嘅熱銷商品！
#02 SALONIA 曲髮棒
一支就擁有直髮、曲髮棒嘅2-way功能。設計貼心，即使係首次試用曲髮棒，喺捲燙前髮時，都唔怕貼到額頭而燙傷。溫度可調校至120度～最高230度。
#03 瘦臉滾輪
被稱為CP值最強嘅瘦臉滾輪！尺寸同手掌差唔多大。日本網友又話效果同ReFa嘅美顏滾輪不相上下！
#04 La-VIE 全身用按摩棒
按摩棒設計有凹凸槽，可以刺激橘皮組織（脂肪團），達到去水腫、消脂功效。一支可全身使用！
驚安之殿堂必買｜零食篇
#01 煙燻肉條
據稱會使人墮落嘅超注目話題性商品！口感柔軟，以雞肉同豬肉為原材料，恰到好處嘅油脂唔止適合做零食，做下酒菜都一樣好味。
#02 煙燻肉乾
帶有少許辣味，味道令人想一試再試，而且肉嘅鮮味濃厚，網友話身心俱疲時食一食，可以令心情好番好多！
#03 白朱古力杏仁
被網友稱為「謎一樣」嘅朱古力，味道意外地非常好。但因為係地域限定，可能只有九州先有機會買到喇！
#04 麻辣豆
只售100円嘅零食！網友畀超高好評，更話係今年食過嘅零食之中，最好食嘅一款，山椒嘅麻辣感剛剛好。
#05 Garasha 茶包
日本茶茶包「Garasha」係非常有人氣嘅產品！綠色包裝為「煎茶」，亦即係綠茶；啡色包裝則係「玄米茶」，唔錯手信之選！